استانانىڭ ماڭىنداعى ورماندا ءشوپ سارعايا باستاپتى. ۇيىرە سوققان جەلدەن كۇز ىزعارى سەزىلەتىندەي. ءيا، كۇز جاقىنداپ قالدى.

ءوزىمىز ماڭايىندا جۇرگەن سوڭ ساياساتتىڭ كۇزى قالاي بولار ەكەن دەپ تە ويلاپ قويامىز. جوعىرىداعى كەيبىر قوزعالىستارعا قاراپ ءبىر ءدۇبىردىڭ كەلە جاتقانىن ءىش سەزەدى. ساياساتتىڭ كۇزى ىستىق بولاتىن سەكىلدى. انىعىن ءبىز تۇگىلى "مەن دەگەن" ساياساتتانۋشىلاردىڭ ءوزى دە ايتا الماس. ايتەۋىر " سايلاۋ بولادى، پالەن پارتيا قاتىسادى" دەگەن دولباردى جاساعانسيدى.

تۇڭعىش پرەزيدەنتتىڭ قازىرگى مەملەكەت باسشىسىمەن كەزدەسۋى، ودان بايبەككە "نۇر وتاندى" جاڭارتۋ جونىندە تاپسىرما بەرۋى الدەبىر ويلارعا جەتەلەيدى. پرەزيدەنت سايلاۋىنان كەيىن جوق بولىپ كەتكەن كەيبىرەۋلەردىڭ قايتادان "جىلتىڭداي" باستاۋى دا بەكەر ەمەس-اۋ! سوڭعى سايلاۋدا ۇيقىداعى حالىقتى بيلىكتىڭ ءوزى "سىلكىپ" وياتتى. ونى ءوزى دە بايقاماي قالىپ، بارماعىن تىستەدى. كەش ءتۇسىندى.

ەندىگى سايلاۋ باسقاشا بولماق. ونى جوعارى دا، تومەن دە ءتۇسىنىپ وتىر.

قالاي بولار ەكەن؟ تەك تىنىشتىق بولعاي!