قىزىلوردادا جاستارعا ارنالعان «جاس كاسىپكەر» جوباسى بويىنشا وقۋ باستالدى. وقۋدىڭ ءبىرىنشى توبىندا قالا، اۋدان بويىنشا 537 جاس ءبىلىمىن جەتىلدىرۋدە،- دەپ حابارلايدى اباي-اقپارات.

ايتا كەتەيىك، 22-23 شىلدە كۇندەرى وتكەن ىرىكتەۋ تەستىنە 537 جاس قاتىسىپ، 537 وقۋعا جولداما العان بولاتىن. وسى جىلى جوبا شەڭبەرىندە ءوڭىردىڭ 1000 جاسىن وقىتۋ جوسپارلانۋدا. العاشقى لەگتە 537 جاس وقىپ جاتقان بولسا، ەكىنشى لەك ءوز جۇمىسىن تامىز ايىندا باستايدى بولادى.

«جاس كاسىپكەر» جوباسىنا 18 بەن 29 جاس ارالىعىنداعى جاس وتباسى مۇشەلەرى، تۇرمىسى تومەن، كوپبالالى وتباسى بالالارى، مۇمكىندىگى شەكتەۋلى ازاماتتار مەن جۇمىسسىز جاستار قاتىسا الادى. جوباعا قاتىسقىسى كەلگەن ازاماتتار جەكە كۋالىگىنىڭ كوشىرمەسى، مەكەن-جاي انىقتاماسى، ءوتىنىش جانە ارنايى فورماعا ساي تولتىرىلعان انكەتامەن كاسىپكەرلەر پالاتاسىنا، پالاتانىڭ اۋداندىق فيليالدارىنا، جۇمىسپەن قامتۋ ورتالىقتارىنا نەمەسە وزدەرى تۇراتىن ەلدى مەكەننىڭ اكىمدىگىنە بارىپ تولىق اقپارات الا الادى.

ەڭ ادىمەن جوباعا قاتىسۋعا نيەتتى جاستار تەستتەن وتەدى. ولار 100 بالدان ەڭ كەمى 55 بالل جيناۋى ءتيىس. جوباعا قاتىسۋعا مۇمكىندىك العان ازاماتتار 3 اپتالىق – 21 كۇندىك وقۋ كۋرسىنا قاتىسادى. جوباعا قاتىسۋشىلارعا سەرتيفيكات العاننان كەيىن 19273 تەڭگە ءبىر رەتتىك شاكىرتاقى تولەنەدى.

تەستىلەۋدەن وتكەن جاستاردى ارنايى كونكۋرس ارقىلى انىقتالعان بيزنەس-ترەنەرلەر وقىتادى. وقۋ باعدارلاماسىندا كاسىپكەرلىك نەگىزدەرىمەن بىرگە ءبىلىم الۋشى بيزنەس-جوسپارىن جاساپ شىعادى. ءارى بولاشاق كاسىپپەن اينالىسۋشىلارعا ارنايى پسيحولوگتار دا كومەك كورسەتىلمەك. بۇدان كەيىن جوباعا قاتىسۋشىلار ارنايى قۇرىلعان كوميسسيانىڭ الدىندا بيزنەس-جوسپارلارىن قورعايدى. ءساتتى قورعاعاندارعا وقۋدى اياقتاعاندىعى تۋرالى سەرتيفيكات بەرىلسە، وقۋعا تولىق قاتىسىپ، بىراق جوباسىن قورعاي الماعان ازاماتتارعا قاتىسقاندىعى جونىندە سەرتيفيكات بەرىلەدى.

ەستەرىڭىزگە سالا كەتەيىك، «جاس كاسىپكەر» جوباسى اقىسىز نەگىزدە، تەگىن وقىتىلادى.

جوباسىن ءساتتى قورعاعان جاستاردىڭ سەرتيفيكاتى 2 جىلعا جارايدى. وسى ۋاقىت ارالىعىندا جوباعا قاتىسۋشىلار 6,5 جىلعا 6 پايىزبەن 8000 اەك (20 ملن.200 مىڭ) تەڭگەگە دەيىن مەملەكەتتىك باعدارلاما اياسىندا جەڭىلدەتىلگەن نەسيە الا الادى.

«جاس كاسىپكەرگە» قاتىسۋشىلار جوباسىنا جەڭىلدەتىلگەن نەسيە الۋى ءۇشىن بيزنەس-جوسپارى، وقۋدى اياقتاعاندىعى تۋرالى سەرتيفيكاتى، كەپىل مۇلكى جانە وزگە دە قارجىلاندىرۋشى بانككە قاجەتتى قۇجاتتاردى تاپسىرۋى ءتيىس.

«جاس كاسىپكەر» جوباسىنا قاتىسۋشىلاردىڭ جوباسىن كاسىپكەرلەر پالاتاسى ءبىر جىلعا دەيىن كومەك كورسەتەدى.

Abai.kz