اماندىق باتالوۆ، رىسكەلدى ساتباەۆ، مىنا سۋرەتتەگى كوشە - سىزدەر قىزمەت ەتىپ وتىرعان ايماقتاعى الماتى وبلىسى تالعار اۋدانى بىرلىك اۋىلىنىڭ مانشۇك مامەتوۆا كوشەسى. ەكى مەكتەپ ورنالاسقان، مىڭداعان حالقىڭىز جۇرەتىن ورتالىق كوشە. 13 جىلدا ءبىر رەت جوندەلگەنىن كورمەدىم، ويقى-شويقى، جازدا سۋ الىپ، قىستا قار ءۇيىلىپ قالاتىن سورى قالىڭ كوشە. بيىل عانا اۋدان اكىمدىگىنىڭ رەسمي سايتىندا وسى كوشەنى جوندەۋگە 38 ميلليون 200 مىڭ تەڭگە بولىنگەنى حابارلانعان.

بۇگىن تاڭەرتەڭ كوشەنىڭ جيىرما شاقتى جەرى شۇقىلانىپ قالعانىن بايقادىم، وعان ەندى سول 38 ميلليوندى "قۇيعالى" جاتقاندارىڭىزدى ءتۇسىندىم. وسى ەلدىڭ ازاماتى، سالىق تولەۋشىسى رەتىندە شاعىن عانا كوشەنىڭ مىنانداي "جوندەۋىنە" 100 مىڭ دوللاردى قالاي جۇمساعالى وتىرعاندارىڭىزدى ءتۇسىندىرۋدى تالاپ ەتەمىن.

P.S. پرەزيدەنت قاسىمجومارت توقاەۆتىڭ اكىمدەردىڭ الەۋمەتتىك جەلىدە تۇرعىندار سۇراعىنا جاۋاپ بەرۋىن مىندەتتەگەنىن دە ۇمىتپاعان شىعارسىزدار دەپ سەنەمىن.
ال، اليك شپەكباەۆ مىرزا، سىزدەن مىنا جاعدايدى جەكە باقىلاۋىڭىزعا الۋىڭىزدى سۇرايمىن!

قاسىم امانجولدىڭ facebook پاراقشاسىنان

Abai.kz