بۇگىنگى تاڭدا ارىس قالاسىنىڭ 1875 ۇيىندە قالپىنا كەلتىرۋ جۇمىستارى اياقتالدى.

قر يندۋستريا جانە ينفراقۇرىلىمدىق دامۋ مينيسترلىگىنىڭ دەرەكتەرىنە سايكەس، قالا شارتتى تۇردە بولىنگەن 17 سەكتوردا قازىر 7324 جۇمىسشى جۇمىس ىستەيدى. ولار 4804 جەكە تۇرعىن ءۇي مەن كوپ قاباتتى ۇيلەردى سالۋ جانە جوندەۋ جۇمىستارىمەن اينالىسىپ جاتىر.

قۇرىلىسشىلار تەرمومەتر باعاناسى كۇندىز ارىستا 45 گرادۋستان تومەن تۇسپەسە دە، شتاتتىق رەجيمدە جۇمىستارىن جالعاستىرىپ جاتىر.

«جۇمىس كۇنى تاڭعى التىعا قاراي باستالادى جانە ساعات 13.00-گە دەيىن جالعاسادى. سودان كەيىن ساعات 13.00-دەن 16.00-گە دەيىن قۇرىلىسشىلارعا ءۇزىلىس جاريالايمىز. ادامدارعا دەمالىس بەرەمىز، ويتكەنى اپتاپ ىستىق كۇننىڭ استىندا ءجۇرۋ مۇمكىن ەمەس. قۇرىلىسشىلار ساعات ءتورت جارىمدار شاماسىنان باستاپ كەشكە دەيىن جوندەۋ جۇمىستارىن جالعاستىرۋدا. باسقالاي بولۋى مۇمكىن ەمەس»، — دەدى قر يندۋستريا جانە ينفراقۇرىلىمدىق دامۋ ءبىرىنشى ۆيتسە-ءمينيسترى قايىربەك وسكەنباەۆ.

ەستەرىڭىزگە سالا كەتەيىك، قر يدم ۆيتسە-ءمينيسترى ارىس قالاسىندا توتەنشە جاعدايدىڭ العاشقى كۇندەرىنەن بەرى جۇمىس ىستەۋدە. مينيسترلىك ماماندارى قۇرىلىس بارىسىن قاداعالايدى. قالانى قالپىنا كەلتىرۋگە ەلىمىزدىڭ بارلىق وڭىرلەرى مەن رەسپۋبليكالىق ماڭىزى بار قالالار قاتىسۋدا.

Abai.kz