پارلامەنت سەناتىنىڭ دەپۋتاتتارى جەڭىس نۇرعاليەۆ پەن سەرىك بەكتۇرعانوۆ قوستاناي وبلىسىنداعى جۇمىس بابىنداعى ساپارى اياسىندا اۋىل شارۋاشىلىعى ونىمدەرىن وندىرۋشىلەرىمەن كەزدەستى. دەپۋتاتتار كەزدەسۋدە زاڭ شىعارۋ جۇمىستارى مەن رەسپۋبليكانىڭ اگروونەركاسىپتىك كەشەنىن دامىتۋ جوسپارلارى تۋرالى حاباردار ەتتى.

جۇزدەسۋ بارىسىندا اگروونەركاسىپ كەشەنىن دامىتۋدىڭ وزەكتى ماسەلەلەرى تالقىلاندى. اۋىل شارۋاشىلىعى تاۋارىن وندىرۋشىلەردى سۋبسيديالاۋ، ونىڭ ىشىندە  ۇزاق مەرزىمگە سۋبسيديا بەرۋدىڭ تيىمدىلىگى مەن قاجەتتىگى تۋرالى ايتىلىپ، مەملەكەتتىڭ قولداۋىن تالاپ ەتەتىن بارلىق شىعىندار سۋبسيديالانبايتىنىنا نازار اۋدارىلدى. مىسالى، فۋنگيتسيدتەرگە سۋبسيديالاردىڭ بەرىلمەۋى سالدارىنان اۋىل شارۋاشىلىعى سالاسى ەداۋىر زيانعا ۇشىراپ كەلەدى. بۇل ماسەلە وڭ شەشىمىن تاپسا، اۋىل شارۋاشىلىعىنىڭ ونىمدەرى ۇلعايىپ، ەڭبەككەرلەردىڭ تابىسى مولايا تۇسەتىن بولادى.

اۋىل شارۋاشىلىعى تاۋارلارىن وندىرۋشىلەر تراكتورلار مەن كومبايندارعا ارنالعان كادەگە جاراتۋ الىمى بويىنشا ۇسىنىستار ايتتى. سەنات دەپۋتاتتارى اۋىل شارۋاشىلىعى كاسىپورىندارى باسشىلارىنىڭ بارلىق ۇسىنىستارىن جازىپ الىپ، ولاردى اۋىل شارۋاشىلىعى مينيسترلىگىنىڭ باسشىلىعىمەن تالقىلايتىندارىن جەتكىزدى.

قازاقستان رەسپۋبليكاسى پارلامەنتى
سەناتىنىڭ ءباسپاسوز قىزمەتى

Abai.kz