قىزىلوردا وبلىسى، ارال اۋدانىندا كاسىپ اشىپ، ءوز ءىسىن ورىستەتىپ وتىرعان جاندار قاتارى ارتقان. بۇگىنگى تاڭدا اۋداندا كاسىپكەرلىك سۋبەكتىلەرىنىڭ سانى 4206-عا جەتتى. ونىڭ 3665-ى تۇراقتى جۇمىس جۇرگىزۋدە، - دەپ حابارلايدى اباي-اقپارات

قازىرگى كۇنى اتالعان كاسىپكەرلىك سۋەكتىلەرىندە 7547 ادام تۇراقتى تۇردە ەڭبەك ەتەدى. سونىڭ ارقاسىندا ارالداعى ەكونوميكالىق بەلسەندى حالىق سانىن ۇلعايعان.

كاسىبىن باستاعانداردىڭ دەنى مەملەكەتتىك باعدارلامالاردى ۇتىمدى پايدالانىپ وتىر. ولار «بيزنەستىڭ جول كارتاسى»، «اگروبيزنەس»، «بيزنەس باستاۋ» باعدارلامالارىنىڭ كومەگىمەن كاسىپ اشقان. ايتالىق، اۋداندا سوڭعى كەزدە 3 بىردەي كاسىپكەرلىك نىسان اۋىل تۇرعىندارىنا قىزمەت ەتۋدە. سولاردىڭ ءبىرى - گۇلميرا ناۋرىزوۆا. كاسىپكەر مەملەكەتتىك باعدارلاما اياسىندا 14 ميلليون تەڭگە نەسيە راسىمدەپ، فيتنەس ورتالىق اشقان. «ايبار» دەپ اتالاتىن جاڭا فيتنەس ورتالىقتا كۇنىنە 30-40 ادام سپورتپەن اينالىسا الادى.

سونىمەن قاتار اۋدان ورتالىعىندا «نۇر» قوناق ءۇيى، «اي-جۇلدىز» جول بويى قىزمەت كورسەتۋ سەرۆيستەرى جەرگىلىكتى تۇرعىندارعا قىزمەت كورسەتۋدە. «بيزنەستىڭ جول كارتاسى – 2020» باعدارلاماسى اياسىندا نەسيە العان قوس كاسىپكەر ءوز بيزنەسىن جانداندىرىپ وتىر. «اي-جۇلدىز» قىزمەت كورسەتۋ كەشەنى اشىلعالى بەرى كاسىپكەر 50 ادامعا جۇمىس كوزىن تاۋىپ بەرگەن.

- نەگىزگى جوبا قۇنى 200 ميلليون تەڭگەنى قۇرايدى. مەملەكەتتىك باعدارلاما بويىنشا 60 ملن.تەڭگە نەسيە الىپ، كەشەن جۇمىسىن باستاپ كەتتىم. كەشەندە قوناق ءۇي، ماي قۇيۋ بەكەتى، مونشا، ازىق-تۇلىك دۇكەنى، قىمىزحانا ورنالاسقان. كاسىبىم العا باسىپ كەلەدى،-دەيدى كاسىپكەر بەرىك جانداۋلەتوۆ.

ەسكە سالا كەتەيىك، ارال اۋدانىندا جىل سوڭىنا دەيىن قوسىمشا 13 نىسان اشىلماق. ولار 121 ادام جۇمىسپەن قامتۋعا مۇمكىندىك بەرمەك.

Abai.kz