قر ۇلتتىق اكادەميالىق كىتاپحاناسىندا مەكەمە باسشىسى ءۇمىتحان داۋرەنبەكقىزى ءبىر توپ قىزمەتكەرلەرمەن بىرگە اباي ولەڭدەرىن وقۋ ەستافەتاسىن جالعاسىرادى.

قر پرەزيدەنتى قاسىم-جومارت توقاەۆ 9 ماۋسىم كۇنى ءلايلىم-شىراق ەسىمدى 9 جاستاعى مەكتەپ وقۋشىسىنان قازاقتىڭ ۇلى اقىنى اباي ولەڭدەرىنەن ءۇزىندى وقۋ ەستافەتاسىن قابىلداپ العان بولاتىن. پرەزيدەنت كەمەڭگەر اقىننىڭ جاستاردى ءبىلىم مەن عىلىمعا شاقىراتىن «عىلىم تاپپاي ماقتانبا» اتتى ولەڭىنەن ءۇزىندى وقىپ، جاۋاپ بەردى.

پرەزيدەنت ق.توقاەۆ ولەڭ وقۋ ەستافەتاسىن قر ءبىلىم جانە عىلىم ءمينيسترى اسحات ايماعامبەتوۆكە، قر مادەنيەت جانە سپورت ءمينيسترى اقتوتى رايىمقۇلوۆا جانە بۇكىل الەمدى مويىنداتقان تالانتتى ءانشى ديماش قۇدايبەرگەنگە جولدادى.

ءوز كەزەگىندە قر مادەنيەت جانە سپورت ءمينيسترى ا.رايىمقۇلوۆا قازاقستان جازۋشىلار وداعىنىڭ توراعاسى ۇلىقبەك ەسداۋلەتكە جانە قازاقستاننىڭ ەڭبەك ەرى، وليمپيادا چەمپيونى جاقسىلىق ۇشكەمپىروۆكە سونىمەن قاتار ەلىمىزدىڭ مادەنيەت، ونەر، سپورت قايراتكەرلەرىنە جانە مايتالمان جاستارعا جولدادى.

اتالمىش ەستافەتانى قر ۇلتتىق اكادەميالىق كىتاپحاناسىنىڭ قىزمەتكەرلەرى قابىلداپ، ودان ءارى جالعاستىرادى.

سونداي-اق، اباي ولەڭدەرىن وقۋ ەستافەتاسى مەملەكەت جانە قوعام قايراتكەرى مىرزاتاي جولداسبەكوۆكە, قازاق جازۋشىسى، ستسەناريست، قازاقستاننىڭ ەڭبەك سىڭىرگەن قايراتكەرى اعامىز سماعۇل ەلۋبايعا, اقىن، جازۋشى، جۋرناليست، قازاقستاننىڭ ەڭبەك سىڭىرگەن قايراتكەرى ساۋلە دوسجانعا, بارشا زيالى قاۋىم وكىلدەرىنە, قازاقستان كىتاپحاناشىلارىنا جانە ايدوس ەلدوسۇلىنا جولدانادى.

Abai.kz