قالا اكتيۆىندە وبلىس اكىمى بولات باقاۋوۆ جاڭا اكىمدى تانىستىردى. بۇل قىزمەتكە وبلىس اكىمىنىڭ بۇرىنعى ورىنباسارى قايرات نۇكەنوۆ تاعايىندالدى.

ول 1970 جىلى تۋعان. 2002 جىلى ومبى قالاسىنداعى ءسىبىر مەملەكەتتىك جول-كولىك اكادەمياسىن، 2014 جىلى پ.ا. ستولىپين اتىنداعى ومبى مەملەكەتتىك اگرارلىق ۋنيۆەرسيتەتىن بىتىرگەن، عالىم-اگرونوم جانە ەكونوميست-مەنەدجەر ماماندىعىن مەڭگەرگەن. قازىرگى تاڭدا الماتى قالاسى مەنەدجمەنت ۋنيۆەرسيتەتىندە دوكتورانتۋرادا وقۋدا. ەڭبەك جولىن تاس قالاۋشى بولىپ باستاعان. كەيىن جەكە بيزنەسپەن اينالىسقان.

2012 جىلدان باستاپ مەملەكەتتىك قىزمەتتە. جەلەزين اۋدانىنىڭ اكىمى، پاۆلودار وبلىسى كاسىپكەرلىك جانە ساۋدا باسقارماسىنىڭ باسشىسى، اقسۋ جانە ەكىباستۇز قالالارىنىڭ اكىمى، تۇركىستان وبلىسى اكىمىنىڭ ءبىرىنشى ورىنباسارى بولعان.

بولات باقاۋوۆ الدا اۋقىمدى ستراتەگيالىق ماقساتتار تۇرعانىن اتاپ ءوتىپ، ەلباسى مەن مەملەكەت باسشىسى تاپسىرعان مىندەتتەردى جۇزەگە اسىرۋدى تاپسىردى. - بارلىق قىزمەتتە قايرات تەمىرشوتۇلى ءوزىن كاسىبي بىلىكتى باسقارۋشى رەتىندە كورسەتە ءبىلدى، - دەدى وبلىس اكىمى.

– مەملەكەتتىك ساياسات پەن نارىقتىق ەكونوميكانى جاقسى بىلەدى. وندىرىستىك جانە كوممۋنالدىق سالامەن تانىس. وبلىس ورتالىعى ينۆەستيتسيا تارتاتىن ورتالىققا اينالۋى ءتيىس. وتاندىق ءونىمدى ناسيحاتتاۋ قاجەت.

Abai.kz