وبلىس كولەمىندە 1 ساۋىردەن باستاپ بۇگىنگە دەيىن اتاۋلى الەۋمەتتىك كومەككە 40285 وتباسى جۇگىنسە، 19721 وتباسىنان وتىنىشتەر قابىلدانىپ، 20564 جانۇياعا كەڭەستەر بەرىلگەن،- دەپ حابارلايدى اباي-اقپارات.

ال قىزىلوردا وبلىسى بويىنشا ءساۋىر ايىندا 16193 وتباسىنداعى 79004 ادامعا 2,1 ملرد تەڭگەگە اتاۋلى الەۋمەتتىك كومەك بەرىلىپتى.

– قازىرگى ۋاقىتتا الەۋمەتتىك جەلىلەردە «قر پرەزيدەنتى سايلاۋىنان كەيىن اتاۋلى الەۋمەتتىك كومەك تولەۋ توقتاتىلادى» دەگەن الىپ قاشپا اڭگىمەلەر تاراتىلۋدا. بۇل - جالعان اقپارات. مامىر ايىندا 6755 وتباسىنىڭ ءوتىنىشى قابىلداندى. 4332 جانۇياعا اتاۋلى الەۋمەتتىك كومەك تاعايىندالىپ، ولارعا 189,4 ملن تەڭگە تولەندى، - دەدى وبلىس اكىمنىڭ ورىنباسارى قۋانىشبەك ىسقاقوۆ.

سونداي-اق، ول ماۋسىم ايى ءۇشىن تولەمدەر جۇرگىزىلىپ جاتقاندىعىن جەتكىزدى.

– بيىلعى جىلعا اتاۋلى الەۋمەتتىك كومەك كورسەتۋگە بيۋدجەتتەن 9,6 ملرد تەڭگە قاراجات ءبولىندى. قوسىمشا رەسپۋبليكالىق بيۋدجەتتەن 5,2 ملرد تەڭگەگە سۇرانىس بەرىلدى،- دەپ اتاپ ءوتتى وبلىس اكىمىنىڭ ورىنباسارى.

سونىمەن قاتار وسى جىلدىڭ 1 شىلدەسىنەن باستاپ 5529 مۇگەدەك بالا تاربيەلەپ وتىرعان جاردەماقى الۋشىلاردىڭ جاردەماقى مولشەرى 31183 تەڭگەدەن 40538 تەڭگەگە ءوستى.

ەستەرىڭىزگە سالايىق، اقپان ايىندا "نۇر وتان" پارتياسىنىڭ XXVIII سەزىندە ەلباسى مۇگەدەك بالا تاربيەلەپ وتىرعان اتا-انالارعا قامقورشىلار مەن وتباسىلارعا جاردەماقىنى 30 پايىزعا كوتەرۋدى جانە 2019 جىلدىڭ 5 ساۋىرىندە «مەملەكەتتىك اتاۋلى الەۋمەتتىك كومەك تۋرالى» قازاقستان رەسپۋبليكاسىنىڭ زاڭىنا وزگەرىستەر ەنگىزىلىپ، قول قويىلعان بولاتىن.

Abai.kz