قر قورعانىس مينيسترلىگىنىڭ رەسەي فەدەراتسياسى قارۋلى كۇشتەرىنىڭ باس شىركەۋىنىڭ قۇرىلىسىنا اقشالاي قاراجاتتىڭ بولىنۋىنە قاتىستى Abai.kz اقپاراتتىق پورتالىندا جاريالانعان "ەرمەكباەۆ شەيىت كەتكەن اتالارعا شىركەۋدە دۇعا جاساتپاق پا؟" دەگەن ماقالاعا وراي رەسمي جاۋاپ بەردى. 

قر قورعانىس مينيسترلىگىنىڭ رەسەي فەدەراتسياسى قارۋلى كۇشتەرىنىڭ باس شىركەۋىنىڭ قۇرىلىسىنا اقشالاي قاراجاتتىڭ بولىنۋىنە قاتىستى سۇراۋ سالۋىڭىزدى قاراپ، مىنانى حابارلايمىز.

بىرقاتار باق-تا كورسەتىلگەن مالىمەتتەر دايەكسىز بولىپ تابىلادى.

قر قورعانىس مينيسترلىگى مايدانعا قاتىسقان قازاقستاندىق باتىرلارلارعا تاعزىم ەتۋ ماقساتىندا مۇراعاتتىق ماتەريالداردى جيناۋ بويىنشا اۋقىمدى جۇمىس اتقاردى جانە اتقارىپ كەلەدى. وسىعان بايلانىستى، رەسەي قورعانىس مينيسترلىگىنە قازاقستاندىق تاراپ ەلەكتروندى نۇسقادا فوتوسۋرەتتەر، قىسقاشا بيوگرافيالىق مالىمەتتەر، سونداي-اق ۇوس مايدانىندا قازا بولعان قازاقستاندىقتاردىڭ ەرلىكتەرى تۋرالى تاريحي دەرەكتەر جولدادى. اتالعان ماتەريالدار «ەسكە الۋ جولى» گالەرەياسىن قۇرۋ كەزىندە قولدانىلادى.  ۇزىندىعى 1418 ادىمدى قۇرايتىن ارنايى جول جيەگىندە ميلليونداعان ادامنىڭ ءومىرىن جالماعان سۇراپىل سوعىستىڭ 1418 كۇنى مەن ءتۇنى تۋرالى ەستەلىك، ۇوس مايدانىنداعى اتا-بابالارىمىزدىڭ ەرلىگى تۋرالى اقپاراتتىق ستەندتەر ورنالاستىرىلادى.

ميكروفوتوسۋرەت تەحنولوگياسىنىڭ كومەگىمەن گالەرەيا قازاقستاننىڭ عانا ەمەس، سونىمەن بىرگە، پوستكەڭەستىك داۋىردەگى وزگە دە ەلدەردىڭ بارلىق ۇوس-قا قاتىسۋشىلاردىڭ ميلليونداعان فوتوسۋرەتتەرىمەن بەزەندىرىلەدى.  كونسترۋكتسيانىڭ نەگىزگى ماقساتى ولاردىڭ ۇلتىنا،  دىنىنە، اتاعىنا، ەرلىگىنە، ماراپات مارتەبەسىنە قاراماستان، بارشا جەڭىس باتىرلارى تۋرالى ماڭگىلىك ەسكەرتكىش بولىپ تابىلادى.

1941-1945 جىلدارداعى ۇوس-تاعى جەڭىستىڭ 75 جىلدىعىن مەرەكەلەۋگە وراي قازاقستان رەسپۋبليكاسى تاراپىنان جانە  ۇوس-قا قاتىسۋشىلاردى ەسكە الۋعا ارنالعان جوباعا قاتىسۋعا رەسەي فەدەراتسياسى قورعانىس مينيسترلىگىنىڭ ءوتىنىشى جانە قر قورعانىس مينيسترلىگىنىڭ ءوتىنىشى بويىنشا قازاقستاندىق ۇيىمداردىڭ ءبىرى اقشالاي قاراجات ءبولدى.

بۇل قاراجات بيۋدجەتتىك ەمەس، دەمەۋشىلىك بولىپ تابىلادى. ادەپكە ساي دەمەۋشىلەر ەسىمدەرىن اتاماۋدى ءوتىندى. سەبەبى، كومەك پيار جاساۋ ءۇشىن ەمەس، باتىرلارعا ماڭگىلىك ەسكەرتكىش ورناتۋ ماقساتىندا كورسەتىلدى.

كومەك كورسەتۋ كولەمى شامامەن 1 ميلليون ءرۋبلدى قۇرادى.

سونداي-اق وتانى ءۇشىن شايقاسقان قازاقستاندىق جاۋىنگەر تۋىسى بار ءاربىر ازامات بولاشاق ۇرپاقتىڭ يگىلىگى ءۇشىن ولاردىڭ جانقيارلىق ەرلىكتەرى تۋرالى ماڭگىلىك ەسكەرتكىش ورناتۋ ماقساتىندا ۇيدە ساقتالعان مۇراعاتتان فوتوسۋرەتتەر مەن قىسقاشا مالىمەتتى وزدىگىنەن جىبەرۋىنە بولاتىنىن ايتا كەتۋ قاجەت.

قر قورعانىس مينيسترلىگىنىڭ ءباسپاسوز قىزمەتى

Abai.kz