الداعى سايلاۋدا ء"بارى بەكەر", "بويكوت",ء"تۇبى الداپ كەتەدى" دەۋشىلەر، تەك ءبىر دەرەككە نازار اۋدارۋدى سۇرايمىن: بيىل ۋكراينادا سايلاۋ قانشاما تارتىستى دا ءادىل وتكەنىن بارشاڭىز بىلەسىز. سوڭعى ساتكە دەيىن ءتىپتى پرەزيدەنت كىم بولاتىنى بەلگىسىز قالدى. وسىنداي شىم-شىتىرىققا قاراماستان اتالعان سايلاۋعا ۋكراينا حالقىنىڭ تەك 62 پايىزى عانا كەلدى.

ال ەندى 2015 جىلى قازاقستاندا وتكەن ناۋقان - ەش قىزىعى جوق، كاراتيست ءھام ەكولوگ قۋىرشاقتار قاتىcقان، ينتريگا مەن تاڭداۋدان جۇرداي، جەڭىمپازى ءاۋ باستان بەلگىلى سايلاۋعا قانشا ادام كەلدى دەيسىز عوي؟ ونىسى رەسمي دەرەكتەر بويىنشا 95 پايىز، بەيرەسمي - 20 پايىزدان اسپايدى.

باسقاشا ايتقاندا، الگى كەلمەگەن، سەنبەگەن، ايقايلاعان، سايلاۋعا قاتىسام دەگەننىڭ اۋزىن بۇگىنگىدەي جاپقان بويكوتشىلار داۋىستىڭ باقانداي 75 پايىزىن ءوز قولىمەن بيلىككە سىيلاپ بەردى. ەكى ورتادا بويكوتشىلار بيلىكپەن اۋىز جالاستى ما دەگەن كۇدىك پايدا بولادى. باسقاشا بولسا جوعارىدا ايتىلعان داۋىستار ورەسكەل ۇرلانعاندا نەلىكتەن بىرەۋى دە ميتينگ بىلاي تۇرسىن، ءلام-ميم ايتۋعا ءداتى بارمادى؟

ايتپاعىم ءبىر، الدا كەلە جاتقان سايلاۋعا ءبىر ادامداي ات سالىسايىق. داۋىسىڭىز بەن ادامي حاقىڭىز ۇرلانبايتىن جالعىز جول وسى.

راسۋل جۇمالىنىڭ facebook پاراقشاسىنان

Abai.kz