مەملەكەت باسشىسى نۇرسۇلتان نازارباەۆ 2018 جىلدىڭ 5 ناۋرىزى كۇنگى "پرەزيدەنتتىڭ بەس الەۋمەتتىك باستاماسى" اتتى قازاقستان حالقىنا ۇندەۋىندە الەۋمەتتىك جاڭعىرۋ جولىنداعى ناقتى قادامداردى بەلگىلەپ بەرگەن ەدى. 

اتاپ ايتقاندا، 1 - ءاربىر وتباسىنا باسپانا الۋدىڭ جاڭا مۇمكىندىكتەرىن بەرۋ، 2 - جالاقىسى تومەن جۇمىسشىلاردىڭ ەڭبەكاقىسىن كوبەيتۋ ءۇشىن ولاردىڭ سالىق جۇكتەمەسىن ازايتۋ، 3 - جوعارعى ءبىلىم الۋدىڭ قولجەتىمدىلىگى مەن ساپاسىن ارتتىرىپ، ستۋدەنت جاستاردىڭ جاتاقحاناداعى جاعدايىن جاقسارتۋ، 4 - شاعىن نەسيە بەرۋدى كوبەيتۋ، 5 - ەلدى گازبەن قامتاماسىز ەتۋدى جالعاستىرۋ.

مەملەكەت باسشىسى ءوز جولداۋىندا حالىقتى باسپانامەن قامتۋ ماسەلەسىنە جەكە توقتالىپ، ەلىمىز بويىنشا رەكوردتىق كورسەتكىشتەگى تۇرعىن ءۇي سالىنىپ جاتقانىمەن، ونىڭ جەتكىلىكسىز ەكەندىگىن ايتقان ەدى.

ءتىپتى وسى ولقىلىقتىڭ ورنىن تولتىرۋ ءۇشىن "7-20-25" مەملەكەتتىك باعدارلاماسىن ۇسىنعان. بۇل تۇرعىن ءۇي يپوتەكاسىنىڭ جالپى كوپشىلىككە قولجەتىمدىلىگىن ارتتىرۋعا باعىتتالعان باستاما بولدى.

قازىرگى تاڭدا جالپى قۇنى 75 ميلليارد تەڭگەنى قۇرايتىن باسپانالىق نەسيەگە سۇرانىس كەلىپ تۇسكەن. ال وتكەن جىلى ەلىمىزدە 6,5 مىڭعا جۋىق ازامات اتالعان باعدارلاما بويىنشا باسپانا الۋعا ءوتىنىش بەرگەن.

مەملەكەت باسشىسىنىىڭ تاپسىرماسىنان كەيىن قولعا الىنعان "7-20-25" باعدارلاماسى بويىنشا وسى كۇنگە دەيىن باسپانا الۋعا نيەتتى 4 مىڭعا جۋىق ازاماتتىڭ ءوتىنىشى ماقۇلدانعان. ياڭعني تۇرعىندارعا جالپى سوماسى 45 ميلليارد تەڭگەنى قۇرايتىن نەسيە بەرىلگەن. ال قازىرگى تاڭدا مىڭداعان وتباسى جاڭا پاتەرلەرگە قونىستانىپ ۇلگەرگەن.

دەسە دە بۇل باعدارلاماعا قاتىسا الماعاندار دا جوق ەمەس. ول تۋرالى "باسپانا" يپوتەكالىق ۇيىمىنىڭ سىرتقى كوممۋنيكاتسيا قىزمەتكەرى ايبار ولجاي مىرزا بايانداپ بەرگەن ەدى.

"قازىرگى تاڭدا 4 مىڭعا جۋىق پاتەر العاشقى ءۇش ايدىڭ ىشىندە ساتىلىپ كەتتى. ءدال قازىر "7-20-25" باعدارلاماسى بويىنشا بەرىلە قوياتىن پاتەرلەر جوقتىڭ قاسى. ايتا كەتەيىك، ءار تۇتىنۋشىنىڭ تولەم قابىلەتتەرىن بانكتەر وزدەرى انىقتايدى. وزدەرى شەشىم شىعارادى. 2018 جىلى ەلىمىزدە 12 ميلليون شارشى مەتردەن استام تۇرعىن ءۇي سالىنعان. ياعني، باعدارلاما ەندى عانا قارقىن الىپ كەلەدى. وتكەن جىلى باعدارلاماعا بەلسەندى قاتىسقان وڭىرلەر - استانا مەن الماتى قالالارى، ماڭعىستاۋ، شىعىس قازاقستان جانە اقمولا وبلىستارى. وسى ايماقتاردىڭ ازاماتتارى جاڭا پاتەرلەرگە قول جەتكىزدى", دەيدى ايبار ولجاي.

تاقىرىپقا تۇزدىق رەتىندە ايتا كەتەيىك، اتالمىش مەملەكەتتىك باعدارلاما ارقىلى باسپانا الۋشىلار ءۇشىن وڭىرلەردەگى باعا ايىرماشىلىعىنىڭ بار ەكەنى دە جاسىرىن ەمەس. سونىمەن، "7-20-25" باعدارلاماسى بويىنشا وڭىرلەردەگى ورتاشا باعا قانداي؟

استانا قالاسى بويىنشا - 15 270 000,

الماتى قالاسى بويىنشا - 12 900 000,

اتىراۋ قالاسى بويىنشا - 13 480 000,

اقمولا وبلىسىندا - 8 170 000,

قوستانايدا - 7 400 000,

اقتاۋدا - 7 900 000.

سونداي-اق، نەسيەلەر 25 جىلعا دەيىنگى مەرزىمگە بەرىلەتىنىن ايتا كەتۋ ءجون. اتالمىش باعدارلامانى جۇزەگە اسىرۋعا جاۋاپتى مينيستر جەڭىس قاسىمبەكتىڭ ايتۋىنشا، استانا، الماتى، اقتاۋ، اتىراۋ جانە شىمكەنت قالالارىندا حالىقتى نەسيەلەندىرۋدىڭ شەكتىك سوماسى 20 ميلليون تەڭگەنى قۇرايدى ەكەن.

بۇگىندە اتالعان قالالار بويىنشا نەسيە الۋدىڭ ورتاشا مولشەرى 12 ميلليون 800 مىڭ تەڭگەنى قۇرايدى. بۇل دەگەنىڭىز اي سايىنعى تولەم قۇنى 85-90 مىڭ تەڭگەگە دەيىن جەتەدى دەگەن ءسوز.

مەملەكەت باسشىسىنىڭ تاپسىرماسىنا سايكەس، ۇكىمەت پەن جەرگىلىكتى اتقارۋشى ورگانداردىڭ جۇمىسى ءبىرىنشى كەزەكتە حالىقتىڭ تابىسى مەن ءومىر ءسۇرۋ ساپاسىن ارتتىرۋعا باعىتتالۋى ءتيىس.

ەلباسى ءوز جولداۋىندا "جۇمىس ىستەي الاتىن ءاربىر ازامات نەسيەگە پاتەر ساتىپ الىپ، ونى وتباسىلىق بيۋدجەتىنىڭ مۇمكىندىگىنە قاراي تولەي الاتىنداي جاعداي مەن ارزان رەسۋرستار ۇسىناتىن تەتىكتەر قاجەت" دەگەندى ناقتىلاپ ايتقان بولاتى.

وسىعان ۇكىمەت پەن جەرگىلىكتى اتقارۋشى ورگاندار بىرقاتار جوبالاردى قولعا العان. ەندى اتالمىش باعدارلامانىڭ وڭىرلەردەگى جۇزەگە اسىرىلۋى قالاي ءجۇرىپ جاتىر دەگەن ماسەلەگە توقتالايىق...

اقتوبە وبلىسىندا "7-20-25" باعدارلاماسى اياسىندا جالپى سوماسى 2,1 ميلليارد تەڭگەنى قۇرايتىن يپوتەكالىق نەسيە ماقۇلدانعان. اتالمىش باعدارلاما بويىنشا باسپانا الۋعا 451 ءوتىنىم قابىلدانىپ، ولاردىڭ 243-ءى ماقۇلدانعان.

وبلىس اكىمدىگىنىڭ مالىمەتىنە سۇيەنسەك، وڭىردە تاياۋ جىلدارى 800 مىڭ شارشى مەتردەن استام نەسيەلىك باسپانا سالىنۋ جوسپارلانعان. ال قازىرگى تاڭدا كوممەرتسيالىق قۇرىلىس سالۋشىلار 3000 پاتەرلىك تۇرعىن ءۇي قۇرىلىسىن جۇرگىزۋدە.

ال "نۇرلى جەر" باعدارلاماسى بويىنشا بىلتىر اقتوبە قالاسىندا 1317 نەسيەلىك پاتەر سالىنعان.

2019 جىلى "7-20-25" باعدارلاماسى بويىنشا بەرىلەتىن 2528 پاتەر سالۋ كوزدەلگەن.

Abai.kz