ورتالىق سايلاۋ كوميسسياسى اق جول پارتياسى اتىنان پرەزيدەنت سايلاۋىنا تۇسۋگە قۇجات تاپسىرعان دانيا ەسپاەۆانى ۇمىتكەر رەتىندە تىركەدى. بۇل تۋرالى "اباي اقپارات" حابارلايدى.

وسك بۇگىن 2019 جىلعى 9 ماۋسىمدا كەزەكتەن تىس وتەتىن پرەزيدەنت سايلاۋىنا كانديدات رەتىندە دانيا ماديقىزىن تىركەۋ تۋرالى قاۋلى شىعاردى.

دانيا ەسپاەۆا وسىعان دەيىن ورتالىق سايلاۋ كوميسسياسىنا قۇجاتتار وتكىزىپ، مەمپلەكەتتىك تىلدەن ەمتيحان تاپسىرعان. لينگۆيستيكالىق كوميسسيا ەسپاەۆانىڭ مەملەكەتتىك ءتىل ەمتيحانىنان جوعارى باعالاعان ەدى.

دانيا ەسپاەۆا وسك-عا تومەندەگى قۇجاتتاردى وتكىزدى:

- دانيا ماديقىزى ەسپاەۆانىڭ پرەزيدەنتتىككە كانديدات بولىپ داۋىسقا تۇسۋگە كەلىسىم بەرۋ جونىندەگى ءوتىنىشى;

- ومىرباياندىق دەرەكتەر;

- سايلاۋ جارناسىن ەنگىزگەنىن كۋالاندىراتىن قۇجات.

- دانيا ماديقىزى ەسپاەۆانىڭ كىرىستەرى مەن مۇلكi تۋرالى دەكلاراتسيا تاپسىرعانى تۋرالى مەملەكەتتىك كىرىستەر ورگانىنىڭ انىقتاماسى;

- پرەزيدەنتتىككە كانديدات دانيا ماديقىزى ەسپاەۆادا ونى تىركەۋگە كەدەرگى كەلتىرەتىن اۋرۋلاردىڭ جوقتىعى تۋرالى مەديتسينالىق قورىتىندى;

- وبلىستىق، نۇر-سۇلتان، الماتى جانە شىمكەنت قالالىق سايلاۋ كوميسسيالارىنىڭ پرەزيدەنتتىككە كانديدات دانيا ماديقىزى ەسپاەۆانى قولدايتىن ازاماتتاردىڭ قولدارىن تەكسەرۋ ناتيجەلەرى تۋرالى حاتتامالارى ۇسىنىلدى.

وسى حاتتامالارعا سايكەس پرەزيدەنتتىككە كانديدات دانيا ماديقىزى ەسپاەۆانى قولداپ قازاقستاننىڭ بارلىق 17 وڭىرىنەن ونى پرەزيدەنتتىككە كانديدات رەتىندە قولدايتىن 144 098 ازاماتتىڭ قولىن جيناعان، ولاردىڭ ىشىندە 139 541 قول راس بولىپ تانىلدى.

بۇل رەتتە ورتالىق سايلاۋ كوميسسياسىنىڭ 2019 جىلعى 15 ساۋىردەگى №13/237 قاۋلىسىمەن بەلگىلەنگەن قازاقستان رەسپۋبليكاسىنىڭ پرەزيدەنتتىگىنە كانديداتتى قولدايتىن راس قولداردىڭ قاجەتتى سانى كەمىندە 118 140 قولدى قۇرايدى.

Abai.kz