2019 جىلدىڭ 4 مامىرىندا قازاقستان رەسپۋبليكاسى پرەمەر-ءمينيسترىنىڭ ورىنباسارى گ.ن. ابدىقالىقوۆا نۇر-سۇلتان قالاسىنىڭ اكىمدىگىندە ەلباسىنىڭ «الەۋمەتتىك قامقورلىق» جاڭا الەۋمەتتىك شارالارىنىڭ نەگىزگى باعىتتارىن ءتۇسىندىرۋ بويىنشا كوپ بالالى انالارمەن كەزدەسۋ ءوتتى.

ءىس-شاراعا سونداي-اق نۇر-سۇلتان قالاسىنىڭ اكىمى ب. سۇلتانوۆ، ەڭبەك جانە حالىقتى الەۋمەتتىك قورعاۋ ءمينيسترى ب.ساپارباەۆ، ءبىلىم جانە عىلىم ءمينيسترى ق.ءشامشيدينوۆا، دەنساۋلىق ساقتاۋ ءمينيسترى
ە. ءبىرتانوۆ، قۇرىلىس جانە تۇرعىن ءۇي-كوممۋنالدىق شارۋاشىلىق كوميتەتىنىڭ توراعاسى م.جايىمبەتوۆ قاتىستى.

قازاقستان رەسپۋبليكاسىنىڭ تۇڭعىش پرەزيدەنتى - ەلباسى ن.نازارباەۆتىڭ تاپسىرماسى بويىنشا ەلىمىزدە جاڭا الەۋمەتتىك ساياسات جۇزەگە اسىرىلۋدا. نەگىزگى مىندەت - ءومىر ءسۇرۋ ساپاسىن جاقسارتۋ جانە ازاماتتاردىڭ ءال-اۋقاتىن ارتتىرۋ.

بۇگىنگى كۇنى نۇر-سۇلتان قالاسىندا 10,1 مىڭ كوپبالالى انالار بار (4,4 مىڭ كوپ بالالى انا «التىن القا» جانە «كۇمىس القامەن» ماراپاتتالعان) ونىڭ 3,5 مىڭنان استامى از قامتىلعان.

ەلوردا اكىمدىگىندە كوپ بالالى انالارعا الەۋمەتتىك كومەك كورسەتۋدىڭ 13 كەشەندى شاراسى ازىرلەنىپ، ىسكە قوسىلدى. وسىلايشا، اعىمداعى بيۋدجەت شەڭبەرىندە الەۋمەتتىك كومەك كورسەتۋ ءۇشىن 5,6 ملرد. تەڭگە ءبولىنىپ، الداعى بيۋدجەتتى ناقتىلاۋ كەزىندە 2,4 ملرد. تەڭگە كولەمىندە قوسىمشا قارجى قاراستىرىلاتىن بولادى.

الەۋمەتتىك شارالار شەڭبەرىندە كوپ بالالى وتباسىلارعا جانە تۇرعىن ۇيمەن قامتاماسىز ەتىلمەگەن مۇگەدەك بالالارى بار وتباسىلارعا سەرتيفيكات بەرۋ مۇمكىندىگى قاراستىرىلۋدا، بۇگىنگى كۇنى بيۋدجەتتىك ۇيىمدار قىزمەتكەرلەرىنە ارنالعان تۇرعىن ءۇي سەرتيفيكاتتارى تولەنىپ، ناۋرىزدا 1 ملن.تەڭگە بولاتىن 2000 سەرتيفيكاتتىڭ 143-ءى بەرىلدى.

ۇيدە وقيتىن مۇمكىندىگى شەكتەۋلى 228 بالاعا، الەۋمەتتىك كومەك
25 250 تەڭگەگە دەيىن كوتەرىلدى، كوممۋنالدىق قىزمەتتەردى تولەۋگە ارنالعان تۇرعىن ءۇي كومەگى كورسەتىلەدى، كوممۋنالدىق قىزمەتتەرگە رۇقسات ەتىلەتىن وتباسىلىق شىعىندار مولشەرى 8-دەن 5% - عا دەيىن تومەندەدى، بۇل تاعى دا 700 استام كوپ بالالى وتباسىلارعا كومەك كورسەتۋگە مۇمكىندىك بەردى.

سونىمەن قاتار، 1500 كوپ بالالى وتباسى ءتىس پروتەزدەۋ جانە الدىن الا ەمدەۋ قىزمەتتەرىمەن قامتاماسىز ەتىلەدى. جاڭا وقۋ جىلىنا وراي نۇر-سۇلتان قالاسىنداعى جوعارى وقۋ ورىندارىندا كوپ بالالى وتباسىلاردان شىققان 50 بالانى وقىتۋعا قوسىمشا گرانتتار بولىنەدى.

ءبىلىم بەرۋ سالاسىندا جاڭا وقۋ جىلىنان باستاپ جوعارى وقۋ ورىندارىنىڭ كوپبالالى وتباسىلاردان شىققان 36 مىڭ وقۋشى مەن ستۋدەنتتەرگە قوعامدىق كولىكتە جەڭىلدىكپەن جول ءجۇرۋ ۇسىنىلادى، كوپ بالالى وتباسىلاردان شىققان 32 مىڭ بالا مەكتەپتەردە تەگىن ىستىق تاماقپەن قامتاماسىز ەتىلەدى، كوپ بالالى وتباسىلاردان شىققان ءاربىر بالا جاڭا وقۋ جىلىنا مەكتەپ فورماسىمەن جانە مەكتەپ جابدىقتارىمەن قامتاماسىز ەتىلەتىن بولادى، سونداي-اق كوپ بالالى جانە از قامتىلعان وتباسىلاردان شىققان 2 مىڭ بالانى قامتاماسىز ەتۋ قاراستىرىلعان.

بيىلعى جىلى كوپبالالى جانە از قامتىلعان وتباسىلارىنان شىققان سونىمەن قاتار مۇمكىندىگى شەكتەۋلى 2892 بالانى ىستىق تاماقپەن قامتۋ جانە بالاباقشالاردا تەگىن ورىن بەرۋ جوسپارلانۋدا.

كەزدەسۋ بارىسىندا كوپ بالالى جانە از قامتىلعان وتباسىلارعا مەملەكەتتىك الەۋمەتتىك كومەكتى كۇشەيتۋ ماسەلەسىنىڭ قاجەتتىلىگى جايلى كوپبالالى انالاردىڭ وكىلدەرى ءوز پىكىرلەرىمەن ءبولىستى.

كەزدەسۋ سوڭىندا قازاقستان رەسپۋبليكاسىنىڭ پرەمەر-ءمينيسترى گ.ن. ابدىقالىكوۆا مەملەكەتتىك ورگانداردىڭ باسشىلارىنا بىرقاتار تاپسىرمالار بەردى.

Abai.kz