ە. جىلقىباەۆ 1982 جىلى وڭتۇستىك قازاقستان وبلىسى تولەبي اۋدانىنىڭ لەڭگىر قالاسىندا دۇنيەگە كەلگەن. وڭتۇستىك قازاقستان ۋنيۆەرسيتەتىن، قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسىن، س. امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتىن تامامداعان.

ەڭبەك جولىن وڭتۇستىك قازاقستان وبلىسىنىڭ ەكونوميكا دەپارتامەنتىنىڭ باس مامانى بولىپ باستاعان. ءتۇرلى جىلدارى قر پرەمەر-ءمينيسترى كەڭسەسىندە، قر ەكونوميكا جانە بيۋدجەتتىك جوسپارلاۋ مينيسترلىگىندە، شىعىس قازاقستان وبلىسى اكىمىنىڭ اپپاراتىندا، قر پرەزيدەنتىنىڭ اكىمشىلىگىندە جۇمىس ىستەگەن. 2016 جىلدىڭ مامىر ايىنان 2019 جىلدىڭ ناۋرىزى ارالىعىندا الماتى قالاسى مەدەۋ اۋدانىنىڭ اكىمى لاۋازىمىن اتقارعان. بيىلعى 26 ناۋرىزدان باستاپ قازىرگە دەيىن — قر ەڭبەك جانە حالىقتى الەۋمەتتىك قورعاۋ ۆيتسە-ءمينيسترى.

ا. سارباسوۆ 1977 جىلى باتىس قازاقستان وبلىسىندا دۇنيەگە كەلگەن. ءال-فارابي اتىنداعى قازاق ۇلتتىق ۋنيۆەرسيتەتىن جانە ەۋرازيا گۋمانيتارلىق ۋنيۆەرسيتەتىن تامامداعان.

ەڭبەك جولىن 1994 جىلى باستاعان. ءتۇرلى جىلدارى قر ادىلەت مينيسترلىگىنىڭ، قر ەڭبەك جانە حالىقتى الەۋمەتتىك قورعاۋ مينيسترلىگىنىڭ قۇرىلىمىندا جۇمىس ىستەگەن. 2017 جىلدان باستاپ قازىرگى تاڭعا دەيىن قر ەڭبەك جانە حالىقتى الەۋمەتتىك قورعاۋ مينيسترلىگىنىڭ ەڭبەك، الەۋمەتتىك قورعاۋ جانە كوشى-قون كوميتەتىنىڭ توراعاسى – قر  باس مەملەكەتتىك ەڭبەك ينسپەكتورى لاۋازىمىن اتقاردى.

Abai.kz