ۇلتتىق گاز وپەراتورى «قازترانسگاز» اق «ورتا ازيا - ورتالىق» ماگيسترالدىق گاز قۇبىرى بويىنشا رەسەي فەدەراتسياسىنا قازاقستان رەسپۋبليكاسىنىڭ اۋماعى ارقىلى تۇركىمەن تاۋارلىق گازىن ترانزيتتەۋدى قايتا باستادى.

«قازترانسگاز» اق قىسقا مەرزىم ىشىندە ماگيسترالدىق گاز قۇبىرلارى جۇيەسى ارقىلى ءترانزيتتى قايتا جاڭعىرتۋعا قاجەت شارالاردى جۇزەگە اسىردى. زاماناۋي تەحنولوگيالاردىڭ جانە «ورتا ازيا - ورتالىق» ماگيسترالدىق گاز قۇبىرىندا جۇرگىزىلگەن مودەرنيزاتسيا جۇمىستارىنىڭ ارقاسىندا مارشرۋتتىق باعىتتار ءارتاراپتاندىرىلدى جانە بىرنەشە تاۋلىك ىشىندە تاسىمالداۋ رەجيمى قالىپتى جۇمىسقا قوسىلدى.

«ورتا ازيا - ورتالىق» ماگيسترالدىق گاز قۇبىرى بويىنشا رەسەي فەدەراتسياسىنا تۇركىمەن گازىن تاسىمالداۋ كولەمى تاۋلىگىنە 15 ملن. تەكشە مەتردى قۇرايدى. قازاقستان اۋماعى ارقىلى ءترانزيتتى قايتا باستاعان ساتتەن بەرى 220 ملن. تەكشە مەتردەن استام  گاز تاسىمالداندى.

قازاقستاننىڭ گاز تاسىمالداۋ جۇيەسى ارقىلى تۇركىمەن گازىنىڭ ءترانزيتى 2016 جىلدان باستاپ توقتاتىلعان بولاتىن.

2019 جىلدىڭ باسىندا تۇركىمەنستان مەن رەسەي فەدەراتسياسىنىڭ اراسىندا  گاز سالاسىنداعى 2028 جىلعا دەيىنگى ىنتىماقتاستىق جونىندەگى قولدانىستاعى ۇكىمەتارالىق كەلىسىم شەڭبەرىندە گازدى جەتكىزۋدى قايتا قولعا الۋ تۋرالى ۋاعدالاستىق جاسالدى. بۇل بىردەن ءۇش مەملەكەتكە گاز سالاسىندا ءوزارا ءتيىمدى ىنتىماقتاستىقتى قالىپتاستىرۋعا مۇمكىندىك بەردى.

سوڭعى جىلدارى قازاقستاندىق گاز سالاسى اۋقىمدى جاڭعىرتۋدان ءوتتى جانە مامانداردىڭ باعالاۋى بويىنشا قازترانسگاز كومپانياسى ورتا جانە ورتالىق ازياداعى گاز اعىندارىنىڭ ماڭىزدى جانە تەحنولوگيالىق  اسا قۋاتتى وپەراتورىنا اينالدى.

 «قازترانسگاز» اق ءباسپاسوز-قىزمەتى

Abai.kz