پارلامەنت سەناتىنىڭ توراعاسى داريعا نازارباەۆا سانكت-پەتەربۋرگتەگى تاۆريا سارايىندا رەسەي فەدەراتسياسى فەدەرالدىق جينالىسى فەدەراتسيا كەڭەسىنىڭ توراعاسى ۆالەنتينا ماتۆيەنكومەن كەزدەستى. سەنات باسشىسى قازاقستان-رەسەي ارىپتەستىگىنىڭ ستراتەگيالىق سيپاتىن، سونداي-اق ەۋرازيا كەڭىستىگىندەگى ەكونوميكالىق ىقپالداستىقتى دامىتۋداعى ەكى ەلدىڭ ماڭىزدى ءرولىن اتاپ ءوتتى.

«ءبىز تمد پاا كەڭەسىنىڭ توراعاسى رەتىندەگى ءسىزدىڭ بەلسەندى قىزمەتىڭىزدى جوعارى باعالايمىز. تمد پارلامەنتارالىق اسسامبلەياسى ءسىزدىڭ ارقاسىندا ەۋرازياداعى ىقپالداستىق ۇدەرىستەرىنىڭ الدىڭعى ساپتاعى ۇيىمداردىڭ بىرىنە اينالدى. اسسامبلەيانىڭ ۇيىمداستىرۋشى قۇرىلىمدارى نىعايىپ، حالىقارالىق بەدەلى ۇدايى ءوسىپ كەلەدى»، - دەدى د. نازارباەۆا.

جوعارعى پالاتا باسشىسى ەكولوگيا ماسەلەلەرىنە، اتاپ ايتقاندا، سۋدى پايدالانۋ جانە ترانسشەكارالىق وزەندەردىڭ ماسەلەلەرىن ءتيىمدى رەتتەۋ ءۇشىن بىرلەسكەن جۇمىستى ۇيىمداستىرۋ قاجەتتىگىنە، اسكەري پوليگوندار توڭىرەگىندەگى ەكولوگيالىق احۋالعا نازار اۋداردى. د. نازارباەۆا بۇل تۇرعىدا ەكولوگيا بويىنشا ۇلگى زاڭ ازىرلەۋدى ۇسىندى.

ۆ. ماتۆيەنكو سەنات باسشىسىن رەسەي فەدەراتسياسىنا ساپارمەن كەلۋگە شاقىردى جانە تمد پاا مەن فەدەراتسيا كەڭەسىنىڭ بايقاۋشىلارىن قازاقستان پرەزيدەنتىنىڭ كەزەكتەن تىس سايلاۋىنا جىبەرۋگە ءازىر ەكەنىن ايتتى. فەدەراتسيا كەڭەسىنىڭ توراعاسى قازاقستاننىڭ تۇڭعىش پرەزيدەنتى ن.نازارباەۆقا ىزگى تىلەكتەستىگىن جەتكىزە كەلىپ، ەلباسىنىڭ قازاقستان مەملەكەتتىلىگىنىڭ دامۋىنا قوسقان ۇلەسىن جوعارى باعالادى جانە ونىڭ ىقپالداستىق ۇدەرىستەردى ىلگەرىلەتۋدەگى كوشباسشىلىعىن اتاپ ءوتتى.

Abai.kz