بۇگىن شىمكەنتتە «Nur Otan» پارتياسى فيليالىنىڭ كەزەكتەن تىس ءحححVىى كونفەرەنتسياسى ءوتتى. القالى جيىنعا  قالا باسشىلارى مەن  ءماسليحات حاتشىسى، ساياسي كەڭەس مۇشەلەرى مەن ءماسليحات دەپۋتاتتارى، مەملەكەتتىك ورگان باسشىلارى مەن اۋداننان سايلانعان دەلەگاتتار جانە بۇقارالىق اقپارات قۇرالدارى وكىلدەرى قاتىستى. 

كونفەرەنتسيادا قالا اكىمىنىڭ ورىنباسارى گۇلجان قۇرمانبەكوۆا  ءسوز سويلەپ، «Nur Otan» پارتياسىنىڭ «قۇتتى مەكەن» جوباسى اياسىندا  اتقارىلىپ جاتقان جۇمىستار بارىسىن باياندادى. ونىڭ ايتۋىنشا، اتالعان جوبا اياسىندا شاھاردا 6 513 پاتەرلى 132 كوپ قاباتتى تۇرعىن ءۇيدىڭ قۇرىلىسى جۇرگىزىلۋدە.

«ونىڭ ىشىندە بيۋدجەت قارجىسى ەسەبىنەن 3130 پاتەرلى 51 تۇرعىن ءۇي بار. بيىلعى جىلى 898 پاتەرلى 16 ارەندالىق جانە 656 پاتەرلى 11 كرەديتتىك تۇرعىن ءۇيدى پايدالانۋعا بەرۋگە جوسپارلانۋدا (قالعان 3 383 پاتەرلى  81 ءۇيدىڭ، 1919 پاتەرى 49 ءۇي جەكە سالۋشىلار ەسەبىنەن، اكك ارقىلى 1016 پاتەرلى 24 ءۇي، ءمجا ارقىلى 448 پاتەرلى 8 ءۇي). بۇگىنگى كۇنگە 540 پاتەرلى 10 تۇرعىن ءۇيدىڭ قۇرىلىسى دايىن، مامىر ايىندا بەرىلەدى. ونىڭ ىشىندە 177-ءى پاتەرى كوپبالالى انالارعا بەرىلەدى. ناتيجەسىندە بيىلعى جىلى 1368 الەۋمەتتىك جاعىنان ءالسىز ساناتتاعى جانە جاس وتباسىلار (342 پاتەر)  باسپانالى بولادى»،- دەدى گۇلجان قۇرمانبەكوۆا.

قالا اكىمىنىڭ ورىنباسارى سونداي-اق پارتيالىقتارعا «Nur Otan» پارتياسى توراعاسى ن.ءا.نازارباەۆتىڭ پارتيانىڭ 18 سەزىندە بەرگەن تاپسىرمالارى- «حالىققا كومەك»، «باقىتتى وتباسى» جوبالاردى جۇزەگە اسىرۋ بارىسى تۋرالى ەسەپ بەردى.

«باقىتتى وتباسى» جوباسى اياسىندا قالامىزدا اۋقىمدى جۇمىستار اتقارىلۋدا. مەملەكەتتىك اتاۋلى الەۋمەتتىك كومەك مولشەرىنىڭ وزگەرۋىنە بايلانىستى، قالامىزدا كومەك الۋشىلار سانى 10 مىڭنان  20 مىڭ وتباسىنان اسادى دەپ كۇتىلۋدە. 1-ءشى ساۋىردەن باستاپ بۇگىنگى كۇنگە 32 559 ازاماتقا ءتۇسىندىرۋ جۇمىستارى جۇرگىزىلىپ، ونىڭ ىشىندە 17 582 وتباسىنىڭ ءوتىنىشى تىركەلدى. سونداي-اق، قالا تۇرعىندارىنىڭ الەۋمەتتىك كارتاسىن جاساقتاۋ جۇمىستارى جۇرگىزىلۋدە، بۇگىنگى كۇنگە «ە-حالىق» اقپاراتتىق جۇيەسىنە 21 081 وتباسى (75 725 ادام) ەندى. حالىقتى اۋرە-سارساڭعا سالماي ىڭعايلى قىزمەت كورسەتۋ ءۇشىن  اۋدان اكىمدىكتەرىندە، حالىققا قىزمەت كورسەتۋ ورتالىقتارىندا بارلىعى 9 جەردە جۇمىسپەن قامتۋ ورتالىعىنىڭ بولىمشەلەرى اشىلدى. ول جەرلەردە حالىقتى قابىلداۋعا ءتيىستى جاعدايلار جاسالدى، اتاپ ايتقاندا: كوپ بالالى انالارعا پسيحولوگيالىق جانە قۇقىقتىق، تۇرعىن ءۇي جانە الەۋمەتتىك تولەمدەر بويىنشا قىزمەت كورسەتىلەدى»، - دەدى گۇلجان قۇرمانبەكوۆا.

كونفەرەنتسيادا بۇدان وزگە  زەينەتكەر، پارتيا ارداگەرى ۆالەري گورديەنكو مەن شىمكەنت قالاسى № 49 جالپى ورتا مەكتەبىنىڭ ديرەكتورى، كوپبالالى انا ساۋلە وتەباەۆا، شىمكەنت قالالىق №17 فۋتبولدان وليمپيادا رەزەرۆىنىڭ مامانداندىرىلعان بالالار مەن جاسوسپىرىمدەر سپورت مەكتەبىنىڭ ديرەكتورى ەرمەك دارمەنوۆتار دا ءسوز سويلەپ، ءوز پىكىرلەرىن ورتاعا سالدى. پارتيالىق جوبالاردى ىسكە اسىرۋ بويىنشا ۇسىنىستارىن ايتىپ ءوتتى.

Abai.kz