ورال. 6 ماۋسىم. قازاقپارات /ەلجان ەرالى/ - بقو-داعى 332 مەكتەپ جانىنداعى لاگەر اشىلىپ، جۇمىس جاساي باستادى، ولاردا 31080 وقۋشىنى دەمالىسپەن قامتۋ كوزدەلىپ وتىر.

وبلىستىق ءبىلىم باسقارماسىنان تۇسكەن مالىمەتكە قاراعاندا، وتكەن جىلى بالالاردىڭ 70,4 پايىزى قامتىلعان ەدى. بۇل رەسپۋبليكا بويىنشا جامبىل وبلىسىنان كەيىنگى ەكىنشى كورسەتكىش بولاتىن. بيىل جەتكىنشەكتەردىڭ 65,7 پايىزى تىنىقپاق. بۇعان بيىل وڭىردە بولعان سۋ تاسقىنى اسەر ەتتى. سول سەبەپتى «اتامەكەن» جانە «ەۋرازيا» لاگەرلەرى ءوز جۇمىسىن كەشىگىپ باستاماق.

وبلىس اۋماعىندا 23 شاتىرلى لاگەردە 6 مىڭداي وقۋشى دەمالماق. مەكتەپ جانىنداعى لاگەرلەردە بالالارعا ەكى مەزگىل ىستىق تاماق بەرىلىپ، ءتۇرلى شارالار ۇيىمداستىرىلماق. سونىمەن قاتار ىستىق تاماق بەرىلمەيتىن مەكتەپتەردە جازعى الاڭدار جۇمىس جاساماق. 13 ماۋسىمعا دەيىن 280 شاكىرت رەسپۋبليكالىق «بالداۋرەن» وقۋ-ساۋىقتىرۋ ورتالىعىندا، «قازمۇنايگاز» ۇك دەمەۋشىلىگىمەن 30 بالدىرعان اقمولا وبلىسىنداعى «سۇڭقار» ساۋىقتىرۋ كەشەنىندە دەمالىپ قايتپاق.

اقتوبەلىكتەر 25 بالانى جازعى دەمالىسقا شاقىرسا، ماڭعىستاۋ وبلىسى سۋ تاسقىنىنان زارداپ شەككەن وتباسىلاردىڭ 100 بالاسىن تىنىقتىرماق. يۋنيسەف بالالار قورى دا تاسقىن سۋدان زارداپ شەككەن قالا تۇرعىندارىنىڭ 80 بالاسى ءۇشىن دەمالىس ۇيىمداستىرماق. يتالياندىق «ادجيپ ەني» كومپانياسى 40 جەتىم، اتا-انا قامقورلىعىنسىز قالعان جانە از قامتىلعان وتباسىلار بالالارىن چەزەناتيكو جازعى لاگەرىنە شاقىرىپ وتىر.

ورال. 6 ماۋسىم. قازاقپارات /ەلجان ەرالى/ - بقو-داعى 332 مەكتەپ جانىنداعى لاگەر اشىلىپ، جۇمىس جاساي باستادى، ولاردا 31080 وقۋشىنى دەمالىسپەن قامتۋ كوزدەلىپ وتىر.

وبلىستىق ءبىلىم باسقارماسىنان تۇسكەن مالىمەتكە قاراعاندا، وتكەن جىلى بالالاردىڭ 70,4 پايىزى قامتىلعان ەدى. بۇل رەسپۋبليكا بويىنشا جامبىل وبلىسىنان كەيىنگى ەكىنشى كورسەتكىش بولاتىن. بيىل جەتكىنشەكتەردىڭ 65,7 پايىزى تىنىقپاق. بۇعان بيىل وڭىردە بولعان سۋ تاسقىنى اسەر ەتتى. سول سەبەپتى «اتامەكەن» جانە «ەۋرازيا» لاگەرلەرى ءوز جۇمىسىن كەشىگىپ باستاماق.

وبلىس اۋماعىندا 23 شاتىرلى لاگەردە 6 مىڭداي وقۋشى دەمالماق. مەكتەپ جانىنداعى لاگەرلەردە بالالارعا ەكى مەزگىل ىستىق تاماق بەرىلىپ، ءتۇرلى شارالار ۇيىمداستىرىلماق. سونىمەن قاتار ىستىق تاماق بەرىلمەيتىن مەكتەپتەردە جازعى الاڭدار جۇمىس جاساماق. 13 ماۋسىمعا دەيىن 280 شاكىرت رەسپۋبليكالىق «بالداۋرەن» وقۋ-ساۋىقتىرۋ ورتالىعىندا، «قازمۇنايگاز» ۇك دەمەۋشىلىگىمەن 30 بالدىرعان اقمولا وبلىسىنداعى «سۇڭقار» ساۋىقتىرۋ كەشەنىندە دەمالىپ قايتپاق.

اقتوبەلىكتەر 25 بالانى جازعى دەمالىسقا شاقىرسا، ماڭعىستاۋ وبلىسى سۋ تاسقىنىنان زارداپ شەككەن وتباسىلاردىڭ 100 بالاسىن تىنىقتىرماق. يۋنيسەف بالالار قورى دا تاسقىن سۋدان زارداپ شەككەن قالا تۇرعىندارىنىڭ 80 بالاسى ءۇشىن دەمالىس ۇيىمداستىرماق. يتالياندىق «ادجيپ ەني» كومپانياسى 40 جەتىم، اتا-انا قامقورلىعىنسىز قالعان جانە از قامتىلعان وتباسىلار بالالارىن چەزەناتيكو جازعى لاگەرىنە شاقىرىپ وتىر.

وڭىردە بالالار ءۇشىن دەمالىستىڭ وزگە تۇرلەرى دە ۇيىمداستىرىلۋدا.