پارلامەنت سەناتى قارجى جانە بيۋدجەت كوميتەتىنىڭ كەڭەيتىلگەن وتىرىسىندا «قازاقستان رەسپۋبليكاسىنىڭ ۇكىمەتى مەن قىتاي حالىق رەسپۋبليكاسىنىڭ ۇكىمەتى اراسىنداعى قىتاي حالىق رەسپۋبليكاسىنىڭ جەڭىلدىكتى كرەديت بەرۋى تۋرالى نەگىزدەمەلىك كەلىسىمدى راتيفيكاتسيالاۋ تۋرالى» زاڭ جوباسى قارالدى.

كەلىسىم 2018 جىلعى 7 ماۋسىمدا بەيجىڭدە جاسالدى.

نەگىزدەمەلىك كەلىسىمگە سايكەس تاراپتار قىتايدىڭ ەكسپورتتىق-يمپورتتىق بانكى قازاقستان ۇكىمەتىنە قازاقستان رەسپۋبليكاسى قارجى مينيسترلىگى ارقىلى بەس جىل جەڭىلدىكتى مەرزىمدى قوسا العاندا 20 جىل مەرزىمگە 2% جىلدىق پايىزدىق مولشەرلەمەمەن جالپى سوماسى 2,062 ملرد. قىتاي يۋانىنان اسپايتىن جەڭىلدىكتى كرەديت بەرەتىنى تۋرالى ۋاعدالاستى. كرەديت «ەۋرازيالىق ەكونوميكالىق وداقتىڭ كەدەندىك شەكاراسىنىڭ قازاقستاندىق ۋچاسكەسىندە ورنالاسقان وتكىزۋ پۋنكتتەرىن جاڭعىرتۋ جانە تەحنيكالىق تولىق جاراقتاندىرۋ» جوباسىن ىسكە اسىرۋعا ارنالعان.

بۇدان باسقا، نەگىزدەمەلىك كەلىسىمدە قىتاي حالىق رەسپۋبليكاسىنىڭ ۇكىمەتى تىكەلەي كرەديتورعا تولەيتىن كرەديت بويىنشا پايىزداردى سۋبسيديالاۋعا ارنالعان شىعىستار تۋرالى ەرەجە كوزدەلگەن. بۇل ەرەجە كرەديت بويىنشا بەرىلەتىن 2% جىلدىق پايىزدىق مولشەرلەمە بانكتىڭ شىعىندارىن جاپپايتىنىمەن نەگىزدەلىپ وتىر. سۋبسيديالاۋدىڭ بارلىق شارتتارى مەن مولشەرلەمەلەرىن قىتاي حالىق رەسپۋبليكاسىنىڭ ۇكىمەتى جانە ەكسپورتتىق-يمپورتتىق بانكى ءوز ارالارىندا، كرەديتور مەن قارىز الۋشى اراسىنداعى نەگىزدەمەلىك كەلىسىمدى قوزعاماي قارايدى.

تۇتاستاي العاندا، جەڭىلدىكتى كرەديت توعىز اۆتوموبيل جانە ءبىر تەمىرجول وتكىزۋ پۋنكتىن جاڭعىرتۋ بولىگىندە جوبالاۋ-سمەتالىق قۇجاتتامانى ازىرلەۋگە، ءتيىستى جابدىقتى بەرۋگە، قۇرىلىس-مونتاجداۋ جۇمىستارىن، سونداي-اق ينجەنەرلىك جەلىلەردى تارتۋ جۇمىستارىن جۇرگىزۋگە باعىتتالاتىن بولادى. ناتيجەسىندە كەدەندىك شەكارادا كەدەندىك باقىلاۋدى اقپاراتتىق قامتاماسىز ەتۋگە قول جەتكىزىلەدى.

زاڭ جوباسى پالاتا قاراۋىنا بەرىلدى.

قازاقستان رەسپۋبليكاسى پارلامەنتى
سەناتىنىڭ ءباسپاسوز قىزمەتى

Abai.kz