ۆيتسە-پرەمەر مەن ەڭبەك جانە حالىقتى الەۋمەتتىك قورعاۋ ءمينيسترى حالىقتى جۇمىسپەن قامتۋ ورتالىعىنا، حالىققا قىزمەت كورسەتۋ ورتالىعىنا جانە «Open Pavlodar» فرونت-وفيسىنە بارىپ، ول جەردە ولاردىڭ جۇمىسىن تەكسەردى.

1 ساۋىردەگى جاعداي بويىنشا 1368 جۇمىس بەرۋشىدەن 2800 بوس جۇمىس ورنى بار. 2053 جۇمىس ىزدەپ جۇرگەن ادام تىركەلدى، تۇراقتى جۇمىس ورنىنا – 1262, الەۋمەتتىك جۇمىس ورىندارىنا – 121, جاستار پراكتيكاسىنا – 52, قوعامدىق جۇمىستارعا – 364 ادام تىركەلدى. 48 وتباسىنى كوشىرۋگە ارنالعان مەملەكەتتىك قولداۋ شارالارى بويىنشا قاراجات ءبولىندى.

ودان كەيىن پاۆلودار وبلىسىنىڭ حالقىمەن كەزدەسۋ ءوتتى.

«بۇگىندە مەملەكەت حالىقتىڭ از قامتىلعان توبىن الەۋمەتتىك قولداۋ كورسەتۋگە باعىتتالعان شارالاردى قابىلدانۋدا. 1 ساۋىردەن باستاپ اتاۋلى الەۋمەتتىك كومەكتى تاعايىنداۋ تومەنگى كۇنكورىس دەڭگەيىنىڭ 70% ارتتىرىلدى جانە 20 789 تەڭگەنى قۇرايدى، مامىر ايىنان باستاپ جالدامالى باسپانا بەرۋ باستالادى،  ال 1 ماۋسىمنان بيۋدجەتتىك سالانىڭ جالاقىسى تومەن قىزمەتكەرلەرىنىڭ جالاقىسى ارتتىرىلادى. ءبىلىم بەرۋ جانە دەنساۋلىق ساقتاۋ جۇيەسىنىڭ قىزمەت كورسەتۋ ساپاسىن ارتتىرۋ بويىنشا شارالار قابىلدانادى»، — دەدى گ. ابدىقالىقوۆا.

كەزدەسۋ سوڭىندا گۇلشارا ابدىقالىقوۆا ازاماتتارمەن جەكە قابىلداۋ وتكىزدى. ول باسشىلىققا جۇمىسسىز جۇرگەن ايدار قالىموۆتى «ليدەر پلاست-پۆ» جشس الەۋمەتتىك جۇمىس ورنىنا 120 مىڭ تەڭگە جالاقىمەن مەنەدجەر رەتىندە جۇمىسقا ورنالاستىرۋعا جاردەمدەسۋدى تاپسىردى.

پاۆلودار وبلىسىنا جۇمىس ساپارىنىڭ قورىتىندىسى بويىنشا قر پرەمەر-ءمينيسترىنىڭ ورىنباسارى گ. ابدىقالىقوۆا بىرقاتار تاپسىرما بەردى.

تۇپنۇسقا: primeminister.kz

Abai.kz