سوڭعى كەزدەرى ەلدەگى ءدىني احۋالدىڭ اسقىنعانى، وسى توڭىرەكتەگى اڭگىمەلەردىڭ ورشەلەنىپ بارا جاتقانى بارشاعا ايقىن دۇنيە. بۇل، ارينە، جاقسىلىقتىڭ نىشانى ەمەس. كەز-كەلگەن پىكىرتالاس كەشىرىمسىزدىك، توزىمسىزدىك، كورە الماۋ، ءوز پىكىرىڭنەن وزگەنى مويىنداماۋمەن اياقتالادى. وكىنىشتىسى وسى توزىمسىزدىك ءوزىن كەرەمەت «ءدىندارمىن، اللاعا تابىنامىن، قۇداي جولىندا ءجۇرمىن» دەگەندەردەن شىعۋدا. ءدىني ماسەلەلەرگە قاتىستى ماقالالاردىڭ استىنا سال-الۋان پىكىرلەر تۇسۋدە. ءتىپتى رەداكتسيا قىزمەتكەرلەرىنە قىر كورسەتۋ، قورقىتىپ-ۇركىتۋ ارەكەتتەرى دە جوق ەمەس. بۇگىنگى كۇنى بەلگىلى ءبىر ءدىني باعىتتى ۇستانىپ جۇرگەن ازاماتتار بۇل تىرشىلىگىن اشىق تا (تەلەفون ارقىلى), استىرتىن دا (كوممەنتتەر جازۋ ارقىلى) جۇرگىزىپ جاتىر. قاجەت بولسا بىزدەر اشىق تا، استىرتىن دا ارەكەتتەر جاساپ جاتقانداردى تاۋىپ، اتتارىن جاريالاي دا الامىز. بۇگىنگى تەحنولوگيانىڭ اسقاقتاپ دامىعان زامانىندا بۇنىڭ ەش قيىندىعى جوق ەكەنى دە تۇسىنىكتى زات ەمەس پە؟

ولارى ىسكە اسپاعان سوڭ، سول ازامتتار بولۋى كەرەك، بۇگىن اقپارات جانە بايلانىس ءمينيسترى اسقار جۇماعاليەۆتىڭ جەكە بلوگىنا تومەندەگىدەي ءنومىرى 83294-ءشى «دومالاق ارىزدى» جۇگىرتىپ جىبەرىپتى. راۋان ارماني دەگەن بىرەۋ بىلاي دەپتى:

«قۇرمەتتى، اسقار مىرزا!

سوڭعى ۋاقىتتا قازاقتىلدى سايتتاردا كوممەنتاريلەر باقىلاۋسىز كەتىپ بارادى. كىم ويىنا نە كەلسە، سونى جازادى. ينتەرنەت تۋرالى زاڭ بويىنشا، عالامتور يەلەرى كوممەنتاريلەرگە مودەراتسيا جاساۋى كەرەك ەمەس پە؟

سوڭعى كەزدەرى ەلدەگى ءدىني احۋالدىڭ اسقىنعانى، وسى توڭىرەكتەگى اڭگىمەلەردىڭ ورشەلەنىپ بارا جاتقانى بارشاعا ايقىن دۇنيە. بۇل، ارينە، جاقسىلىقتىڭ نىشانى ەمەس. كەز-كەلگەن پىكىرتالاس كەشىرىمسىزدىك، توزىمسىزدىك، كورە الماۋ، ءوز پىكىرىڭنەن وزگەنى مويىنداماۋمەن اياقتالادى. وكىنىشتىسى وسى توزىمسىزدىك ءوزىن كەرەمەت «ءدىندارمىن، اللاعا تابىنامىن، قۇداي جولىندا ءجۇرمىن» دەگەندەردەن شىعۋدا. ءدىني ماسەلەلەرگە قاتىستى ماقالالاردىڭ استىنا سال-الۋان پىكىرلەر تۇسۋدە. ءتىپتى رەداكتسيا قىزمەتكەرلەرىنە قىر كورسەتۋ، قورقىتىپ-ۇركىتۋ ارەكەتتەرى دە جوق ەمەس. بۇگىنگى كۇنى بەلگىلى ءبىر ءدىني باعىتتى ۇستانىپ جۇرگەن ازاماتتار بۇل تىرشىلىگىن اشىق تا (تەلەفون ارقىلى), استىرتىن دا (كوممەنتتەر جازۋ ارقىلى) جۇرگىزىپ جاتىر. قاجەت بولسا بىزدەر اشىق تا، استىرتىن دا ارەكەتتەر جاساپ جاتقانداردى تاۋىپ، اتتارىن جاريالاي دا الامىز. بۇگىنگى تەحنولوگيانىڭ اسقاقتاپ دامىعان زامانىندا بۇنىڭ ەش قيىندىعى جوق ەكەنى دە تۇسىنىكتى زات ەمەس پە؟

ولارى ىسكە اسپاعان سوڭ، سول ازامتتار بولۋى كەرەك، بۇگىن اقپارات جانە بايلانىس ءمينيسترى اسقار جۇماعاليەۆتىڭ جەكە بلوگىنا تومەندەگىدەي ءنومىرى 83294-ءشى «دومالاق ارىزدى» جۇگىرتىپ جىبەرىپتى. راۋان ارماني دەگەن بىرەۋ بىلاي دەپتى:

«قۇرمەتتى، اسقار مىرزا!

سوڭعى ۋاقىتتا قازاقتىلدى سايتتاردا كوممەنتاريلەر باقىلاۋسىز كەتىپ بارادى. كىم ويىنا نە كەلسە، سونى جازادى. ينتەرنەت تۋرالى زاڭ بويىنشا، عالامتور يەلەرى كوممەنتاريلەرگە مودەراتسيا جاساۋى كەرەك ەمەس پە؟

سوڭعى ۋاقىتتا قازاقتىڭ جاقسى ەسىمىن العان اباي.kz مەن ماسا.kz ناعىز بىلىقتىڭ ورتاسىنا اينالىپ بارادى. كورە الماۋ، قىزعانىش ەمەس، شىنى وسى. داۋ، شار، وسەك، ت.ت ءبارىن وسى پورتالداردان تاباسىز.

كەلەسى ماسەلە، ماسا.kz http://masa.kz/article/view/id/1731 قاراساڭىز، وسىنداي سۋرەتتەر بەرىپ، رەيتينگ العىسى كەلىپ ءجۇر. بۇل تازا ماسقارالىق، مينيسترلىك تاراپىنان تىيىم بولۋى ءتيىس دەگەن ويدامىن».

اسقار مىرزانىڭ جۇمىسى بىزدەرسىز دە اسىپ جاتقان بولار، سوندىقتان شىنىنان وتىرىگى باسىم «ارىزعا» ءوزىمىز جاۋاپ بەرگەندى ءجون ساناپ وتىرمىز.

بىرىنشىدەن، «اباي.كز» پورتالى مەن «ماسا.كز» سايتتارى قاراۋسىز دامىپ جاتقان اقپارات قۇرالدارى ەمەس. ءاربىر رەسۋرستىڭ ءوزىنىڭ جەكە رەداكتورلارى، اكىمگەرلەرى بار. ولار، ازاماتتاردىڭ جەكە قۇقىعىنا، ار-نامىسىنا قايشى كەلەتىن كەز-كەلگەن كوممەنتتەردى الىپ، تازالاپ وتىرادى. ءدىني تاقىرىپتاعى كەز-كەلگەن ماقالالار كىشكەنە وقىلعاننان سوڭ «پىكىر الىنىپ تاستالدى» دەگەن سوزدەرگە تولىپ، قىزارا ءبورتىپ شىعاتىنى وسىنىڭ ايقىن دالەلى! ەگەر وقىرماندار تاراپىنان «مىنا پىكىر ارتىقتاۋ ەكەن، مىنالارىڭ ورەسكەلدەۋ ەكەن» دەگەن پىكىر ءتۇسىپ جاتسا، بىزدەر ولاردى ۇنەمى الىپ تاستاپ وتىرامىز. بىزدەر دە ادام بالاسىمىز، قاتالەسەتىن دە بولارمىز. بىراق، دوستىق سىنعا، ءتىپتى قاتتى سىنعا دا تۇسىنىكپەن قاراي بىلەمىز. ەگەر ايتارىڭىز بولسا، رەداكتسيانىڭ پوشتاسىنا نە تەلەفوندارىنا حابارلاسىڭىزدار.

ەكىنشىدەن، ءبىزدىڭ رەداكتسيا ەشبىر ءدىني، ساياسي توپقا جاتپايدى. ءوزىمىزدى تولىعىمەن بەيتاراپ اقپارات قۇرالى دەپ سانايمىز. ويلايتىنىمىز قازاقتىڭ مۇددەسى، كۇيىنەتىنىمىز - قازاقتىڭ حالى. بۇنى سايتتاردى تۇراقتى قاراپ جۇرگەن كوزى اشىق ءاربىر ازامات راستاي الادى. سوڭعى كەزدەرى الدەبىرەۋلەر بۇلار «سوپى ەكەن»، «بيلىكتىكى ەكەن»، «اناۋ ەكەن»، «مىناۋ ەكەن» دەگەن الىپ-قاشپا سوزدەر قۇلاعىمىزعا جەتىپ جاتىر. بارلىعى دا جالعان! ءبىز ءوزىمىزدىڭ تاۋەلسىز ويىمىزدى اشىق ايتىپ ءجۇرمىز. قازاقتىڭ مۇددەسىنە قاتىستى بار دەگەن كەز-كەلگەن پىكىر-ويدى جاريالاپ كەلەمىز، جاريالاي بەرەمىز دە! قازاق ۇلتى دۇرىس باعىتتا دامۋى ءۇشىن ونىڭ  جاقسىلىعىن دا، جاماندىعىن دا بىردەي كورسەتەمىز. مىسالى، ارىز يەسى ايتىپ وتىرعان قازاق قىزدارىنىڭ جالاڭاشتانۋى تۋرالى ماقالانى الايىق. ونى بەرىپ وتىرعان سەبەبىمىز: بۇل قوعامدا ورىن الىپ، جارناماعا ايلانىپ وتىرعان جايت. ونى جۇرتشىلىق قىزىقتاسىن، ءتانتى بولسىن دەپ بەرگەن ەشتەڭەمىز جوق. وسىنداي دا قازاقتار بار، وسىنداي دا بەتسىزدىكتەر ورىن الىپ جاتىر، وسىعان نە ىستەي الامىز، قانداي شارالار جاساۋعا بولادى دەگەن پىكىرتالاس جۇرگىزۋ ءۇشىن سالدىق بۇل ماقالانى. ال ەندى بىرەۋلەر بۇنى كورىپ «تىم قوزىپ كەتكەن» بولسا، وندا ءبىزدىڭ نە كىنامىز بار؟ بۇنداي ءالسىز، ءالجۋاز پسيحيكاسى بار ازاماتتار مۇلدەم قاراماي قويسا دا رەنىشىمىز جوق، اعايىن! ەڭ دۇرىس جولى - سول! قۇدايعا شۇكىر، قازاق ينتەرنەتى دامىپ كەلە جاتىر، بىزدەن باسقا دا سايتتار جەتەرلىك. اركىم ءوز تاڭداۋىن ءوزى جاساي الادى.

ءبىتتى. باسقا ايتارىمىز جوق!

«اباي-اقپارات»