ەلباسى ن.نازارباەۆ وتكەن جىلدىڭ ناۋرىز ايىندا “پرەزيدەنتتىڭ بەس الەۋمەتتىك باستاماسى” اتتى قازاقستان حالقىنا ۇندەۋ جولداعان بولاتىن. ول ۇندەۋدە – جاستاردىڭ ءبىلىم الۋ ساپاسىن ارتتىرۋمەن قاتار ولاردى باسپانامەن قامتۋ ماسەلەسى دە جان-جاقتى قاراستىرىلعان.

پرەزيدەنت جوعارى ءبىلىم الۋدىڭ قولجەتىمدىلىگى مەن ساپاسىن ارتتىرۋ ءۇشىن بىرقاتار شارالاردى ۇسىندى. ياعني، جىل سايىن بولىنەتىن 54 مىڭ گرانتقا قوسىمشا 2018-2019 وقۋ جىلىندا تاعى 20 مىڭ گرانت ءبولۋ قاراستىرىلادى.

ونىڭ 11 مىڭى تەحنيكالىق ماماندىقتار بويىنشا باكالاۆرلىق ءبىلىم بەرۋگە تيەسىلى بولادى. ولاردىڭ ىشىندە ەڭ الدىمەن ينجەنەرلەر، اقپاراتتىق تەحنولوگيا، روبوت تەحنيكاسى، نانوتەحنولوگيا سالاسىنىڭ ماماندارى  بار.

سونداي-اق، پرەزيدەنت  تەحنيكالىق جانە اۋىل شارۋاشىلىعى ماماندىقتارى بويىنشا بارلىق جوعارى وقۋ ورىندارى گرانتتارىنىڭ قۇنىن ۇلتتىق جوعارى وقۋ ورىندارىنىڭ گرانتتارى دەڭگەيىنە دەيىن كوتەرۋ كەرەكتىگىنە توقتالدى.

بۇل - ورتا مەكتەپ تۇلەكتەرىن جوعارى بىلىممەن نەعۇرلىم كوبىرەك قامتۋعا مۇمكىندىك بەرەتىن بولادى.

سونىمەن قاتار، بۇگىندە ستۋدەنتتەردى جاتاقحانامەن قامتاماسىز ەتۋ ماسەلەسى دە وتە وزەكتى. ماسەلەن، قازىرگى تاڭدا ەلىمىزدەگى جوو-لاردا 530 مىڭ ستۋدەنت ءبىلىم الادى، ونىڭ ىشىندە 204 مىڭى (38%) — باسقا قالالاردان كەلگەن، جاتاقحانالارعا مۇقتاج ستۋدەنتتەر. پرەزيدەنت باستاماسىنا سايكەس،  2022 جىلعا قاراي ستۋدەنتتەر جاتاقحانالارىندا جاڭا 75 مىڭ ورىن ەنگىزۋ قامتاماسىز ەتىلۋى ءتيىس.

ماسەلەن، الماتىداعى قازاق ۇلتتىق اگرارلىق ۋنيۆەرسيتەتىندە 98% اۋىل بالالارى ءبىلىم الادى. بىلتىرعى وقۋ جىلىندا ۋنيۆەرسيتەتتە ستۋدەنتتەردىڭ 56%-ىنا عانا جاتاقحانا بەرىلگەن. قازىرگى كەزدە 2000 ستۋدەنت جاتاقحاناعا مۇقتاج.

بۇل مىندەتتى شەشۋ ءۇشىن مەملەكەت ءوز تاراپىنان ءبىلىم جانە عىلىم مينيسترلىگى ارقىلى جاتاقحانا قۇرىلىسىنا جۇمسالعان ينۆەستيتسيالاردىڭ بەلگىلى ءبىر بولىگى بىرتىندەپ قايتارىلۋىنا كەپىلدىك بەرەدى.

سونداي-اق، پرەزيدەنت 2022 جىلدىڭ سوڭىنا دەيىن ستۋدەنتتەرگە ارناپ كەمىندە 75 مىڭ ورىندىق جاڭا جاتاقحانا سالۋدى تاپسىرعان بولاتىن. بۇل الداعى جىلداردا وسە تۇسەتىن سۇرانىستى ەسكەرگەننىڭ وزىندە جاتاقحانا تاپشىلىعىن ءبىرجولا شەشەدى دەپ كوزدەلۋدە.

Abai.kz