«ۇسىنىلعان جول كارتاسىندا جاستاردى ساپالى ءارى قولجەتىمدى بىلىممەن، تۇرعىن ۇيمەن، جۇمىسپەن قامتامسىز ەتۋگە، جاس وتباسىلاردى قولداۋعا باعىتتالعان بىرقاتار ناقتى شارالار كوزدەلگەن. بۇل وتە ماڭىزدى قادام»، — دەدى پرەمەر-مينيستر، كەلەسى تاپسىرمالاردى جۇكتەي وتىرىپ.

بىرىنشىدەن، اكىمدىكتەر ءتيىستى مينيسترلىكتەرمەن بىرگە جاستارعا جىل سايىن كەمىندە ءبىر مىڭ جالدامالى پاتەر بەرۋ قۇرالىن ايقىنداۋ جونىندەگى جۇمىستى جەدەلدەتۋى كەرەك.

ەكىنشىدەن، جاستاردى جۇمىسپەن قامتۋ ماسەلەسىن باقىلاۋدا ۇستاۋ اسا ماڭىزدى. جاستار اراسىنداعى كاسىپكەرلىكتى دامىتۋ قاجەت. بۇل ءۇشىن جول كارتاسىندا جۇمىس ىستەمەيتىن، ءوزىن-ءوزى جۇمىسپەن قامتىعان جاستارعا «جاس كاسىپكەر» جوباسىنىڭ شەڭبەرىندە شاعىن نەسيەلەر مەن گرانتتار بەرۋ جونىندە بىرقاتار شارالار كوزدەلگەن، اتالعان جوباعا 32 ملرد تەڭگەدەن استام قارجى ءبولىندى.

ۇشىنشىدەن، جول كارتاسىندا «جاس مامان» جوباسى شەڭبەرىندە سۇرانىس بار 100 كاسىپ بويىنشا 200 وقۋ ورنىن (180 كوللەدج بەن 20 جوو) جاڭعىرتۋعا 57 ملرد تەڭگەدەن استام قاراجات كوزدەلگەن.

وسىعان بايلانىستى قر پرەمەر-ءمينيسترى ا. مامين ءبىلىم جانە عىلىم مينيسترلىگىنە ەڭبەك جانە حالىقتى الەۋمەتتىك قورعاۋ مينيسترلىگىمەن، وڭىرلەردىڭ اكىمدىكتەرىمەن بىرگە وسى جوباعا قاتىساتىن وقۋ ورىندارى مەن كاسىپتەر تىزبەسىن ايقىنداۋدى جەدەلدەتۋدى تاپسىردى.

اقپارات جانە قوعامدىق دامۋ مينيسترلىگىنە ءتيىستى مەملەكەتتىك ورگاندارمەن جانە اكىمدىكتەرمەن بىرگە جول كارتاسىن ساپالى ىسكە اسىرۋ ءۇشىن بارلىق قاجەتتى شارالاردى قابىلداۋ تاپسىرىلدى.

تۇپنۇسقا: primeminister.kz

Abai.kz