دانيار الىمقۇل. ولار...
ولار...
قاربالاس ۋاقىت... اسىعىس
قاراماس ناز بەنەن وكپەگە
سوڭىندا سۇيكىمسىز اشىنىس
تاستاندى ۇمىتتەر كوپ نەگە؟
قوعامدىق قابىلداۋ بوپ جاتىر،
جۋرناليست جيىلىپ جازادى.
ءبىر مىسىق بوستەكتە توق جاتىر
ول داعى ۋاقىت مازاعى
ۋاقىت...
ۋاقىت... توقتاماس
قاراماس ناز بەنەن وكپەگە
قوعامى قۇلازىپ جوقتاماس
قالادا قايىرشى كوپ نەگە؟..
ايتقانىن ولاردىڭ تىڭداما،
كورگەندە وتىنەم تۇرا قاش.
ولارعا ماڭىزدى مۇڭ عانا،
ساعاتتىڭ تىلىندە سۇراماس...
ءولىم مەن ولمەستىك قوساعى -
قوعامنىڭ تابيعي بولمىسى.
ءبىزدى دە بىرەۋسى توسادى،
ولارعا ماڭىزدى سوڭعىسى...
ءولى ءوڭ
ازالى ايدى اسپانداعى كورەم دەپ
تۇنگە اپارار ءىڭىر ءىزىن اڭدىدىم
تەرەزەمە تەلمىرەدى ولەڭ كەپ
كەشە... كەشە...
كەشە داعى ءھام بۇگىن
سول ولەڭنىڭ تىنىندەگى جاسىرىن
سەنىڭ ءانىڭ سەكىلدى عوي سۇرلەنگەن.
عازالىما بەينە بولعان عاشىعىم
قاشىپ شىعام قاراباسقىر تۇرمەڭنەن
تۇنگى كلۋب تورىندەسىڭ بىلەمىن،
كەكتەنەمىن كەتكەنىڭە ءبيشى بوپ.
سانام سىڭسىپ سالا بەردى، كۇلە مۇڭ
سەزىمىڭنىڭ ءسىڭىپ قالعان ءيسى جوق.
ولار...
قاربالاس ۋاقىت... اسىعىس
قاراماس ناز بەنەن وكپەگە
سوڭىندا سۇيكىمسىز اشىنىس
تاستاندى ۇمىتتەر كوپ نەگە؟
قوعامدىق قابىلداۋ بوپ جاتىر،
جۋرناليست جيىلىپ جازادى.
ءبىر مىسىق بوستەكتە توق جاتىر
ول داعى ۋاقىت مازاعى
ۋاقىت...
ۋاقىت... توقتاماس
قاراماس ناز بەنەن وكپەگە
قوعامى قۇلازىپ جوقتاماس
قالادا قايىرشى كوپ نەگە؟..
ايتقانىن ولاردىڭ تىڭداما،
كورگەندە وتىنەم تۇرا قاش.
ولارعا ماڭىزدى مۇڭ عانا،
ساعاتتىڭ تىلىندە سۇراماس...
ءولىم مەن ولمەستىك قوساعى -
قوعامنىڭ تابيعي بولمىسى.
ءبىزدى دە بىرەۋسى توسادى،
ولارعا ماڭىزدى سوڭعىسى...
ءولى ءوڭ
ازالى ايدى اسپانداعى كورەم دەپ
تۇنگە اپارار ءىڭىر ءىزىن اڭدىدىم
تەرەزەمە تەلمىرەدى ولەڭ كەپ
كەشە... كەشە...
كەشە داعى ءھام بۇگىن
سول ولەڭنىڭ تىنىندەگى جاسىرىن
سەنىڭ ءانىڭ سەكىلدى عوي سۇرلەنگەن.
عازالىما بەينە بولعان عاشىعىم
قاشىپ شىعام قاراباسقىر تۇرمەڭنەن
تۇنگى كلۋب تورىندەسىڭ بىلەمىن،
كەكتەنەمىن كەتكەنىڭە ءبيشى بوپ.
سانام سىڭسىپ سالا بەردى، كۇلە مۇڭ
سەزىمىڭنىڭ ءسىڭىپ قالعان ءيسى جوق.
تۇنگى... تۇنگى...
كوبەلەكسىڭ. قينالام.
سۇيرەپ جۇرگەن سال ءۇمىتتىڭ دەنەسىن
شاعىن شاھار قوندىرمادى ميعا ءمان
ەسكى كۇننىڭ قالىقتاتىپ ەلەسىن،
قالا... قالا...
قالانى دا ۇشىقتاپ...
قالايىن با قيالىمنىڭ قوناعى؟
قارا ءتۇننىڭ قاناتىنان ءتۇسىپ قاپ،
مەنىڭ مۇڭىم تەرەزەڭە قونادى.
كوشە... كوشە...
كوشە بويى تولا ماس،
سونىڭ ءبىرى - جانارىڭنىڭ تانىسى.
مەندىك مۇڭنىڭ جۇپارىنا جولاماس،
سەنىڭ اسەم كوڭىلىڭنىڭ عارىشى.
نازدى كۇننىڭ نالا نۇرى ەسەدى،
اشىتادى كۇبى-كوڭىل بوزا-مۇڭ.
جۇرەگىمنىڭ ءجۇرمىن ىزدەپ كەشەگى،
كىرپىگىڭە قونىپ قالعان توزاڭىن.
سارناۋىق
شەكسىز نۇر - جارىققا جاۋىققان،
سورلادى سۇم كوشە قۇشىپ ءتۇن.
قوقىستار قاسىندا ماۋىققان
مۇندا تەك مياۋى مىسىقتىڭ.
الدەكىم اندەتكەن ءتاتتى ارمان،
قوعامنىڭ كوزىنەن تۇر اۋىپ،
كۇرەڭ كولەڭكەلەر قاتتالعان
جەتىم بۇرىشتار جىلاۋىق.
مىلقاۋلىق مەڭزەگەن كەسكىنى،
كوشەلەر قاراڭعى قۇرسانعان.
ەرتەڭگى جارىقتىڭ وسكىنى:
ۇلبەگەي ءۇمىتتى كىر شالعان
ەرتەڭى داۋىلدان ءبۇلىنىپ،
بولارىن بىلمەگەن زور ىزعار
سۇيەگى سىڭىرگە ءىلىنىپ،
بوتەلكە جيناعان بومجدار
ءۇڭىلىپ قارايدى موماقان،
ۇڭگىرسىز كەلەشەك كۇتكەندەي.
جەرتولە جايادى الاقان
قوعامنىڭ قولىنان تۇك كەلمەي
ارماندار ارىلماس ايىپتان
سەنىمنىڭ دەمىنە جىلىنىپ،
ولاردا كۇن ەرتەڭ عايىپتان،
سالتانات قۇرمايدى ۇلى ءۇمىت
كەلەشەك سۇيەگى جوعالعان
كەمىرىپ قويعانى قوعامى
سامايى عاسىردىڭ اعارعان
مەزگىلدەر مينۋتى سوعادى
شىلىڭگىر شىلدە دە قار جاۋىپ،
قۇبىلىس ورىن اپ كەي تۇندە.
كوكتەمدە كەلەدى سارناۋىق
اڭقىعان اقپاننىڭ كەيپىندە
ەرتەڭگى جارىقتىڭ وسكىنى:
ۇلبەگەي ءۇمىتتى كىر شالعان
مىلقاۋلىق مەڭزەگەن كەسكىنى،
كوشەلەر قاراڭعى قۇرسانعان.
