ەلىمىزدە ايەلدەر مەن بالالاردىڭ ماسەلەلەرىن ءتيىمدى تۇردە شەشۋگە ارنالعان «ARUANA» اتتى قازاقستان ايەلدەرىنىڭ قۇرىلتايى قۇرىلدى. بۇل جايىندا الماتىدا وتكەن ءباسپاسوز ءماسليحاتىندا ايتىلدى.

«ARUANA» قازاقستان ايەلدەرىنىڭ قۇرىلتايى زاڭدى تۇلعالار مەن جەكە كاسىپكەرلەر بىرلەستىگىن قۇرۋداعى ماقسات - ايەلدەردىڭ، وتباسىلار مەن بالالاردىڭ ماسەلەلەرىن شەشۋ ماقساتىندا ايەلدەر باستامالارىن شوعىرلاندىرۋ”، - دەيدى «Ihlas Jurek» قوعامدىق قايىرىمدىلىق قورى قامقورشىلار كەڭەسى ءتورايىمىنىڭ مىندەتىن اتقارۋشى توعجان قوجاليەۆا.

سونىمەن قاتار، ول وتباسىلار مەن بالالاردىڭ ماسەلەلەرىنە جالپى تالداۋ جۇرگىزىپ، باسقا ۇيىمدارمەن دانەكەر رەتىندە جۇيەلى تۇردە جۇمىس جاسايتىن ۇيىمنىڭ جوقتىعىن كورسەتكەنىن ايتتى.

“بۇعان دەيىن مۇنداي بىرلەستىكتەردى قۇرۋ تۋرالى ءبىر-ەكى رەت ۇمتىلىس جاسالدى، الايدا باستامادان ءارى جۇمىس جۇرگەن جوق. سوندىقتان دا ءبىز قۇرىلتايدى قۇرۋدى شەشتىك جانە ايەلدەردىڭ، وتباسىلار مەن بالالاردىڭ ماسەلەلەرىن شەشۋمەن اينالىسىپ جۇرگەن بارلىق قازاقستاندىق ۇيىمدى ورتاق كۇش بىرىكتىرۋگە شاقىرىپ وتىرمىز! ايەلدەردىڭ ءسوزى كۇشتى، ءارى سەنىمدى تۇردە شىعۋى كەرەك»، - دەدى توعجان قوجاليەۆا.

Abai.kz