قۇجاتتا قازاقستان قىلمىستىق كودەكسىنىڭ 174 جانە 274-باپتارىن (ۇلتارالىق ارازدىق قوزدىرۋ جانە جالعان اقپارات تاراتۋ) قولدانۋ ارقىلى بەلسەندىلەر مەن جۋرناليستەردى قۋدالايتىنى ايتىلعان.
ەۋروپارلامەنت استانانى "قازاقستاننىڭ دەموكراتيالىق تاڭداۋى" قوزعالىسىن ەكسترەميستىك ۇيىم دەپ تانىپ، ونى قولداعانداردى قۋدالادى" دەپ سىنادى.
ەۋروپارلامەنت رەزوليۋتسياسىندا كاسىپوداق جەتەكشىلەرى نۇربەك قۇشاقباەۆتىڭ، ءامين ەلەۋسىنوۆتىڭ، لاريسا حاركوۆانىڭ، بەلسەندىلەر ارداق ءاشىم، ماكس بوقاەۆ، ەسكەندىر ەرىمبەتوۆ، ەلەنا سەمەنوۆا، ابلوۆاس جۇماەۆتىڭ ەسمدەرى اتالادى.
رەزوليۋتسيادا "قازاقستاندا ساياسي تۇتقىندار ارتىپ كەلە جاتىر. ايەلدەرگە زورلىق-زومبىلىق جاسالادى. لگبت وكىلدەرىنە قىسىم كوپ" دەپ جازىلعان.
ەۋروپارلامەنت قازاقستان بيلىگىن ساياسي تۇتقىنداردى بوساتۋدى، قۇقىق قورعاۋشىلار مەن تاۋەلسىز كاسىپوداق ۇيىمدارىنا قىسىمدى توقتاتۋدى، باق تۋرالى زاڭدى قايتا قاراۋدى، دەموكراتيا قۇندىلىقتارىن باعالاۋدى تالاپ ەتتى.
"قازاقستاندا ادام قۇقىقتارى جىل سايىن ناشارلاپ بارادى. ەۋروپارلامەنت قازاقستانعا قاتىستى قانداي دا ءبىر شارا قابىلداۋى ءتيىس" دەدى دەپۋتات حەيدي حاۋتالا.
Abai.kz
