وتكەندە وبلىستىق ءماسليحاتتىڭ حاتشىسى سۇلتان دۇيسەمبىنوۆتىڭ توراعالىعىمەن وبلىستىڭ ءماسليحاتتىڭ VI شاقىرىلىمىنىڭ كەزەكتەن تىس XXXXIV سەسسياسى وتكەن بولاتىن. وندا 2019-2020 جىلدارعا ارنالعان وبلىستىق بيۋدجەتكە وزگەرىس ەنگۋزى ماسەلەسى قارالدى.

الماتى وبلىستىق ءماسليحاتىنىڭ 2018 جىلعى 13 جەلتوقسانداعى «الماتى وبلىسىنىڭ 2019-2020 جىلدارعا ارنالعان وبلىستىق بيۋدجەتى تۋرالى» № 38-211 شەشىمىنە وزگەرىستەر مەن تولىقتىرۋلار ەنگىزۋ تۋرالى نەگىزگى باياندامانى وبلىستىق ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى جومارت ءامىرحانوۆ جاسادى.

ج. ءامىرحانوۆتىڭ ايتۋىنشا، ناقتىلانعاننان كەيىن وبلىس بيۋدجەتى 462,2 ملرد. تەڭگەنى قۇرادى. الەۋمەتتىك باعىتتاعى وزگەرىستەر مەن تولىقتىرۋلار وبلىستىڭ ودان ءارى دامۋىنا جانە ماقساتتى ينديكاتورلارعا قول جەتكىزۋگە باعىتتالعان. بۇل رەتتە كوپ بالالى جانە از قامتىلعان وتباسىلاردى قولداۋعا ەرەكشە نازار اۋدارىلدى.

ول، سونىمەن قاتار مەملەكەتتىك-جەكەمەنشىك ارىپتەستىك جوبالارى تۋرالى دا ايتتى. ماسەلەن، 2018 جىلى جەكە سەرىكتەستەرمەن جالپى قۇنى 28,9 ملرد. تەڭگە بولاتىن 13 جوباعا كەلىسىم جاسالعان. ونىڭ ىشىندە تارتىلعان ينۆەستيتسيا كولەمى – 14,4 ملرد. تەڭگە. بۇل - جوبالار ءبىلىم بەرۋ، دەنساۋلىق ساقتاۋ، الەۋمەتتىك قورعاۋ، سول سياقتى سپورت پەن ەنەرگەتيكا سالالارىنداعى جوبالار. بيىلعى جىلدىڭ پورتفەلىندە قۇنى 87,5 ملرد. تەڭگە بولاتىن 29 جوبا بار. ونىڭ 3-ەۋى ءبىلىم بەرۋ، 5-ەۋى – دەنساۋلىق ساقتاۋ، 7-ەۋى – ەنەرگەتيكا جانە تۇكش، 3-ەۋى – سپورت، 5-ەۋى – جول بويىنشا، 1-1-دەن اۋىل شارۋاشىلىعى، ونەركاسىپ، تۋريزم، مادەنيەت جانە قاۋىپسىزدىك سالالارىندا.

سونداي-اق سەسسيا بارىسىندا ج. ءامىرحانوۆ الماتى وبلىسىنىڭ 2018 جىلعى دامۋ باعدارلاماسىنىڭ جۇزەگە اسىرىلۋ قورىتىندىلارى تۋرالى دا باياندادى.

كۇن تارتىبىندەگى بارلىق ماسەلەلەر قارالىپ، دەپۋتاتتار تاراپىنان تولىق قولداۋ تاپتى.

Abai.kz