مەملەكەت باسشىسى ن.نازارباەۆ 2018 جىلدىڭ ناۋرىز ايىندا “پرەزيدەنتتىڭ بەس الەۋمەتتىك باستاماسى” اتتى قازاقستان حالقىنا ۇندەۋ جاريالاعان بولاتىن. حالىقتىڭ الەۋمەتتىك جاعدايىن جاقسارتۋعا باعىتتالعان بۇل باستاما ۇلكەن قولداۋعا يە بولدى. مۇنداعى ەڭ ءبىرىنشى باستاما – ء“اربىر وتباسىنا باسپانا الۋدىڭ جاڭا مۇمكىندىكتەرىن بەرۋ” دەپ اتالادى.

وسى باعدارلامانىڭ نەگىزىندە، بىلتىر وڭتۇستىك استانادا «الماتى جاستارى» باعدارلاماسى قابىلداندى. ناتيجەسىندە، 200 وتباسى قونىس تويىن تويلاعان.ال، تۇرعىن ءۇي باعدارلاماسىن ىسكە اسىرۋ ءۇشىن قازىنادان 2 ميلليارد تەڭگە ءبولىنىپتى.

سونداي-اق، ءۇي كەزەگىندە تۇرعانداردىڭ ءتىزىمى 8 مىڭ ورىنعا جىلجىپ، التى مىڭعا جۋىق وتباسى قونىس تويىن تويلاعان. قالعان ەكى مىڭ ادام تۇرعىن ءۇي كەزەگىنىڭ تىزىمنەن شىعارىلعان. ولار - باسقا وڭىرگە كوشكەندەر، بيۋدجەتتىك مەكەمەدەن جەكەگە اۋىسقاندار جانە ءوز قاراجاتتارىنا باسپانا العاندار.

سونىمەن قاتار، نۇرسۇلتان نازارباەۆ ارەندالىق نەگىزدەگى 40 مىڭ باسپانا سالۋدى دا تاپسىرعان بولاتىن. ول ءۇشىن جىل سايىن 50 ميلليارد تەڭگە بولىنەتىن بولادى. ال، ول پاتەرلەر از قامتىلعان، كوپ بالالى وتباسىلار مەن تولىق ەمەس جانە كىرىسى تومەن جانۇيالارعا قولجەتىمدى بولۋ كەرەكتىگى ايتىلعان.

ال، جاستاردى ۇيمەن قامتۋ جۇمىتارى قالاي جۇزەگە اسىپ جاتىر؟

بۇگىندە ەلىمىزدە 29 جاسقا دەيىنگى 4 ملن. ازامات بار دەسەك، ولاردىڭ 62 % باسپاناعا مۇقتاج ەكەن. ول ءۇشىن “7-20-25” باعدارلاماسىنىڭ الدىندا “نۇرلى جەر” مەملەكەتتىك باعدارلاماسى قابىلدانعان بولاتىن.

ال،  ۇكىمەتتىڭ 2018 جىلعى 22 ماۋسىمداعى قاۋلىسىمەن «نۇرلى جەر» باعدارلاماسىنا بىرقاتار وزگەرىستەر ەنگىزىلدى. «7-20-25» ەنگىزىلۋىنە بايلانىستى تۇرعىن ءۇي باعدارلاماسىنان قول قويىلعان كەلىسىمشارتتار بويىنشا سۋبسيديالار تولەۋ جونىندەگى مىندەتتەمەلەردى ساقتاي وتىرىپ، ازاماتتاردىڭ يپوتەكالىق نەسيەلەرىن سۋبسيديالاۋ باعىتى الىپ تاستالدى.

ال، «7-20-25» باعدارلاماسىمەن «نۇرلى جەردىڭ» تۇرعىن ءۇيىن قالاي ساتىپ الۋعا بولادى؟

نەگىزىنەن، «نۇرلى جەر» باعدارلاماسى بويىنشا پاتەردىڭ جالپى اۋماعى 80 شارشى مەتردەن اسپاۋى ءتيىس. وسىعان بايلانىستى، كوبىنەسە 1-2-3-بولمەلى پاتەرلەر سالىنادى.

اكىمدىكتەر ارقىلى قولجەتىمدى پاتەردى «7-20-25» ارقىلى ساتىپ الار جاعدايىنداعى اي سايىنعى تولەمدەردىڭ بولجامدى ەسەبى بويىنشا،  استانا، الماتى، اقتاۋ، اتىراۋ قالالارىنداعى پاتەرلەر اي سايىنعى تولەم، تەڭگەمەن، قارىز مەرزىمى 25 جىل بولعان كەزدە:

1-بولمەلى (37 ش.م جوعارى) 37 317 تگ.

2- بولمەلى (50 ش.م جوعارى) 50 888 تگ.

3- بولمەلى (65 ش.م جوعارى) 66 154 تگ.

باسقا وڭىرلەردەگى پاتەر اي سايىنعى تولەم، تەڭگەمەن (قارىز مەرزىمى 25 جىل بولعان كەزدە)

1-بولمەلى (37 ش.م جوعارى) 29 400

2- بولمەلى (50 ش.م جوعارى) 39 579

3- بولمەلى (65 ش.م جوعارى) 51 453 مولشەردى قۇرايدى.

ايتا كەتەيىك، بۇگىنگى تاڭدا «7-20-25» باعدارلاماسى بويىنشا 43,7 ملرد تەڭگە سوماسىنا 3600 نەسيە بەرىلگەن. بارلىعى 92 ملرد تەڭگەدەن استام كولەمدە ءوتىنىم تۇسكەن.

Abai.kz