تمد پارلامەنتارالىق اسسامبلەياسىنىڭ بايقاۋشىلار توبى كيشينەۆتە 24 اقپاندا وتەتىن مولدوۆا رەسپۋبليكاسى پارلامەنتىن سايلاۋ جونىندەگى جۇمىستارعا كىرىستى.

قازاقستان رەسپۋبليكاسى پارلامەنتى سەناتى توراعاسىنىڭ ورىنباسارى، توپ ۇيلەستىرۋشىسى بەكتاس بەكنازاروۆ جانە تمد پاا باس حاتشىسى ىستەرىن ۋاقىتشا اتقارۋشى، تمد پاا كەڭەسى حاتشىلىعىنىڭ جەتەكشىسى دميتري كوبيتسكي ۇيىمداستىرۋ وتىرىسىن وتكىزدى جانە قىسقا مەرزىمدى مونيتورينگ كەزىندەگى توپتىڭ مىندەتتەرى مەن حالىقارالىق بايقاۋشىلار ءوز قىزمەتىندە ۇستاناتىن نەگىزگى قاعيدالار ايتىلدى. دەموكراتيا مەن پارلامەنتاريزمدى دامىتۋ جانە تمد پاا-عا قاتىسۋشى مەملەكەتتەردە ازاماتتاردىڭ سايلاۋ قۇقىقتارىنىڭ ساقتالۋىنا مونيتورينگ جۇرگىزۋ حالىقارالىق ينستيتۋتىنىڭ ساراپتاما توبىنىڭ باسشىسى دميتري بارىشنيكوۆ ۇزاق مەرزىمدى مونيتورينگ جۇرگىزۋدىڭ ناتيجەلەرى، سونداي-اق وسى ينستيتۋتتىڭ ساراپشىلارى دايىنداعان تالداۋ جانە انىقتامالىق قۇجاتتار مەن ونىڭ قورىتىندىلارى تۋرالى اڭگىمەلەدى. ينستيتۋت ديرەكتورى دميتري گلادەي توپ مۇشەلەرىن الداعى كەزەڭگە ارنالعان جۇمىس جوسپارىمەن، ونىڭ ىشىندە بايقاۋشىلاردىڭ قالاۋى بويىنشا ازىرلەنەتىن داۋىس بەرەتىن كۇنگى باعدارلارمەن تانىستىردى.

دەموكراتيا مەن پارلامەنتاريزمدى دامىتۋ جانە تمد پاا-عا قاتىسۋشى مەملەكەتتەردە ازاماتتاردىڭ سايلاۋ قۇقىقتارىنىڭ ساقتالۋىنا مونيتورينگ جۇرگىزۋ حالىقارالىق ينستيتۋتىنىڭ قىزمەتكەرلەرىنەن قۇرالعان بايقاۋشىلار مولدوۆا رەسپۋبليكاسى ورتالىق سايلاۋ كوميسسياسى كانديداتتار مەن تىركەلگەن حالىقارالىق بايقاۋشىلار ميسسياسىنا ارناپ ۇيىمداستىرىلعان كەزدەسۋگە قاتىستى. جۇزدەسۋدە بۇقارالىق اقپارات قۇرالدارىنىڭ وكىلدەرى دە بولدى. كەزدەسۋگە قاتىسۋشىلار سايلاۋدىڭ اشىقتىعىن قامتاماسىز ەتۋ ماسەلەلەرىن تالقىلادى جانە سايلاۋ الدى ناۋقانىنىڭ بارىسىندا قۇقىق بۇزۋشىلىقتاردى جويۋ قاجەتتىگى مەن ۇلتتىق جانە حالىقارالىق باقىلاۋشىلار جۇمىسىنىڭ تيىمدىلىگىن ارتتىرۋدىڭ ماڭىزدىلىعىن اتاپ ءوتتى. ايتىلعان اقپارات توپ جۇمىسىنىڭ ناتيجەلەرى بويىنشا قۇجاتتاردى ازىرلەۋ كەزىندە پايدالانىلاتىن بولادى.

قازاقستان رەسپۋبليكاسى پارلامەنتى
سەناتىنىڭ ءباسپاسوز قىزمەتى

Abai.kz