وتىرىس بارىسىندا وڭىرلەردەگى وپەراتيۆتى شتابتارعا، سونداي-اق اۋلالاردى ارالاۋ كەزىندە جۇرتشىلىقتان كەلىپ تۇسكەن ۇسىنىستاردى ىسكە اسىرۋ تەتىكتەرى قارالدى. جالپى، 14 مىڭ وتىنىمگە تالداۋ جاسالدى. حالىقتىڭ ءالسىز توپتارىنا كورسەتىلەتىن الەۋمەتتىك قولداۋ شارالارىنىڭ تيىمدىلىگىن ارتتىرۋ ماقساتىندا مەكتەپتە تەگىن تاماق بەرۋ، جەڭىلدىك بەرىلگەن جول ءجۇرۋ اقىسى، مەكتەپ فورماسىمەن جانە وقۋ جابدىقتارىمەن قامتاماسىز ەتۋ، تۇرعىن ءۇي كوممۋنالدىق قىزمەتتەردىڭ اقىسىن تولەۋ جانە ت. ب. جەڭىلدىكتەردەن تۇراتىن الەۋمەتتىك كومەك پەن الەۋمەتتىك قىزمەتتەردىڭ بىرىڭعاي ستاندارتتى پاكەتى ازىرلەنەدى. سونىمەن قاتار، جەكەلەگەن وبلىستاردىڭ ەرەكشەلىكتەرىن ەسكەرە وتىرىپ، ءاربىر وڭىرگە قاتىستى باسپانامەن قامتاماسىز ەتۋ، ءبىلىم بەرۋ جانە مەديتسينا قىزمەتتەرىنە قولجەتىمدىلىك جانە ت. ب. سالالاردا ناقتى ءىس-شارالاردان تۇراتىن الەۋمەتتىك كارتالار ازىرلەنەدى.

حالىقتى باسپانامەن قامتۋ، ارەندالىق تۇرعىن ءۇي قۇرىلىسىن ۇلعايتۋ، تۇرعىن ءۇي سەرتيفيكاتتارىن بەرۋ، وعان قوسا، ءۇي-جايلاردىڭ ءومىر سۇرۋگە جارامدىلىعىن تەكسەرۋ ارقىلى تۇرعىن ءۇي سەكتورىندا ورتتەردىڭ الدىن الۋ ماسەلەلەرىنە نازار اۋدارىلدى.

وتىرىسقا «نۇر وتان» پارتياسىنىڭ، يندۋستريا جانە ينفراقۇرىلىمدىق دامۋ، ىشكى ىستەر، دەنساۋلىق ساقتاۋ مينيسترلىكتەرىنىڭ وكىلدەرى، سەلەكتور رەجيمىندە — ۇلتتىق ەكونوميكا، ءبىلىم جانە عىلىم، قوعامدىق دامۋ مينيسترلىكتەرىنىڭ، سونداي-اق، وبلىستاردىڭ جانە استانا، الماتى، شىمكەنت قالالارى اكىمدىكتەرىنىڭ وكىلدەرى قاتىستى. ايتا كەتۋ كەرەك، ماسەلەلەردى تالقىلاۋعا ساراپشىلار مەن ازاماتتىق قوعام وكىلدەرى دە قاتىستى.

قر پرەمەر-ءمينيسترىنىڭ ورىنباسارى ە. دوساەۆ ماسەلەلەردى تالقىلاۋ قورىتىندىسى بويىنشا قارجى، ەڭبەك جانە حالىقتى الەۋمەتتىك قورعاۋ مينيسترلىكتەرىنە جانە وبلىستاردىڭ اكىمدىكتەرىنە الەۋمەتتىك جاردەماقىلار مەن اتاۋلى الەۋمەتتىك كومەك كولەمىن ۇلعايتۋ مۇمكىندىگىنە قاتىستى قاجەتتى ەسەپتەردى اياقتاۋدى تاپسىردى. يندۋستريا جانە ينفراقۇرىلىمدىق دامۋ، ۇلتتىق ەكونوميكا، ىشكى ىستەر مينيسترلىكتەرىنە وبلىس اكىمدىكتەرىمەن بىرلەسىپ، تۇرعىن ءۇي جاعدايلارىنىڭ ساپاسىن رەتتەۋ سالاسىندا قاجەتتى زاڭنامالىق وزگەرىستەردى پىسىقتاۋ تاپسىرىلدى. بۇدان وزگە، قوعامدىق دامۋ، دەنساۋلىق ساقتاۋ مينيسترلىكتەرىنە ۇەۇ-نىڭ ماسەلەنى تالقىلاۋ كەزىندە ايتىلعان ۇسىنىستارىن پىسىقتاۋ تاپسىرىلدى.

Abai.kz