كەشە استانا قالاسىنداعى «قازاقستان» ورتالىق كونتسەرت زالىندا قر مادەنيەت جانە سپورت مينيسترلىگىنىڭ كەڭەيتىلگەن القا ءماجىلىسى ءوتتى. جينالىستا بايانداما جاساعان ۆەدومستۆو باسشىسى ارىستانبەك مۇحامەديۇلى ءبىر جىلدا اتقارىلعان جۇمىستاردى، اۋىز تولتىرىپ ايتارلىق جەتىستىكتەردى تانىستىردى.

پارلامەنت دەپۋتاتتارى، پرەزيدەنت اكىمشىلىگىنىڭ، ۇكىمەتتىڭ وكىلدەرى، ۆەدومستۆوعا باعىنىشتى مادەنيەت، سپورت، تۋريزم ۇيىمدارىنىڭ باسشىلارى قاتىسقان القا وتىرىسىندا مينيستر مۇحامەديۇلى 2018 جىلعى مەملەكەت باسشىسىنىڭ جولداۋى، «رۋحاني جاڭعىرۋ» جانە «ۇلى دالانىڭ جەتى قىرى» باعدارلاماسى اياسىندا اتاقىرلعان يگىلىكتى ىستەر تۋرالى باياندادى.

ەڭ الدىمەن مادەنيەت سالاسىندا اتقارىلعان قىزمەتتەر جايلى ايتقان مينيستر ۇلتتىق قۇندىلىقتاردى دارىپتەۋ جولىندا ءونىمدى جۇمىستار ءجۇرىپ جاتقانىن جەتكىزدى.

وسى باعىتتا مينيسترلىك «ۇلى دالانىڭ جەتى قىرى» باعدارلاماسى اياسىندا «تۇركى الەمىنىڭ گەنەزيسى»، «دالا فولكلورى مەن مۋزىكاسىنىڭ مىڭ جىلى»، «تاريحتىڭ كينو ونەرى مەن تەلەۆيزياداعى كورىنىسى» جوبالارىن ىسكە اسىرا باستاعانىن، 2017جىلدان باستاپ «رۋحاني جاڭعىرۋ» باعدارلاماسى اياسىندا ەلدىڭ تاريحي-مادەني مۇراسىن ءبىر جۇيەگە كەلتىرۋدى كوزدەيتىن «قازاقستاننىڭ كيەلى جەرلەرىنىڭ گەوگرافياسى» اۋقىمدى جوباسىن بەلسەندى جۇرگىزىپ جاتقانىن ايتتى.

مينيستر بۇعان قوسا، قادىم زامانعى قۇندى تاريحىمىزدى بولاشاق ۇرپاققا بۇزباي جەتكىزۋ ءۇشىن دە كوپ جۇمىس قولعا الىنعانىن مالىمدەدى. وسىنىڭ انىق مىسالى رەتىندە ول تۇركىستاندا ون سەگىز تاريحي ايماق قالپىنا كەلتىرىلگەلى وتىرعانىن جەتكىزدى.

ارىستانبەك مۇحامەديۇلى ونەردەگى ورەسى بيىك ديماش پەن دانەليانىڭ اقش-تا ءىرى دودادا جۇرگەنىن ايتىپ، ماقتانىش سەزىمىن ءبىلدىردى. سونىمەن قاتار تەاتر-كينو ونەرىندەگى جەتىستىكتەرىمىز جايلى دا تەبىرەنە باياندادى. اسىرەسە، سامال ەسلياموۆانىڭ كانن فەستيۆالىندە ۇزدىك اكتريسا اتانعانىن ەرەكشە اتاپ ءوتتى. بىلتىر «كينەماتوگرافيا تۋرالى» زاڭ قابىلدانىپ، ۇلتتىق كينونىڭ ۇلەسى 14 پايىزعا جەتىپ، ەكى ەسە ارتقانىن ايتا كەلىپ، بيىل «التىن تاق» تۋىندىسىنىڭ جالعاسى، اقان ساتاەۆتىڭ «ءتوميريسى»، «ابىلاي حان»، «قاسىم حان»، «بوتاي – ارعىماقتار مەكەنى» سىندى فيلمدەر جارىققا شىعاتىنىن حابارلادى.

مينيستر ەلىمىزدىڭ سپورت سالاسىنداعى جەتكەن جەتىستىگى دە كوپ ەكەنىن ايتتى. بۇل كەزەكتە سپورتشىلارىمىزدىڭ اپتا سايىن حالىقارالىق تۋرنيرلەردە توپ جارىپ جاتقانىن ماقتانىش ەتتى. اسىرەسە قىسقى وليمپيادانىڭ قولا جۇلدەگەرى يۋليا گالىشەۆانى، مانەرلەپ سىرعاناۋشى ەليزابەت تۇرسىنباەۆانى، كاسىپقوي بوكسشى سادريددين احمەتوۆتى ەرەكشە اتاپ ءوتتى.

سونىمەن قاتار 2019 جىلى ەلىمىزدە «كۇرەس تۇرلەرىنەن الەم چەمپيوناتى»، «شاحماتتان الەم چەمپيوناتى»، «شايبالى حوككەيدەن الەم چەمپيوناتى» قاتارلى 40-تان استام ءىرى حالىقارالىق بىرىنشىلىكتەر وتەتىنىن جەتكىزدى.

ارىستانبەك مۇحامەديۇلى ەلىمىزدە اتقارىلىپ جاتقان تاعى ءبىر ەلەۋلى وقيعا - قازاق ءتىلىن لاتىن گرافيكاسىنا كوشىرۋ باستاماسىنىڭ جاقسى ءجۇرىپ جاتقانىن مالىمدەدى. ونىڭ ايتۋىنشا، لاتىن گرافيكاسىنا حالىق ەش ۇگىت-ناسحاتسىز ءوز ەركىمەن كوشىپ جاتىر. ءارى حالىقتىڭ جاڭا ءالىپبيدى تەز ءارى ءتيىمدى مەڭگەرۋىنە جول اشاتىن «Qazlatyn.kz» (قازلاتىن.كز), «Tilqural.kz» (تىلقۇرال.كز), «Sozdikqor.kz» (سوزدىكقور.كز) سياقتى ۇلتتىق پورتالدار جۇمىس ىستەپ تۇر.

مينيستر بايانداماسىنا ارقاۋ بولعان تاعى ءبىر تاقىرىپ - تۋريزم سالاسى. مۇحامەديۇلىنىڭ ايتۋىنشا، ەل ەكونوميكاسىنىڭ وسۋىنە ەلەۋى ۇلەس قوساتىن تۋريزم سالاسىن دامىتۋ ءۇشىن ۇلكەن جۇمىستار اتقارىلۋدا. ماسەلەن عارىش ءتۋريزمىن دامىتۋ ءۇشىن

بايقوڭىردىڭ قانشالىق ماڭىزدى ەكەنى ايتىلدى. سونىمەن قاتار، تۇركىستان اۋماعىنداعى جالپى اۋدانى 27 گەكتار بولاتىن العاشقى قالالىق قونىستاردىڭ ءبىرى كۇلتوبە قالاشىعى قايتا قالپىنا كەلتىرىلەتىنىن مالىمدەدى.

Abai.kz