بۇگىن «رۋحاني جاڭعىرۋ» مەملەكەتتىك باعدارلاماسىنىڭ جانە قازاقستانداعى جاستار جىلىنىڭ اياسىندا، استانا قالاسى اكىمدىگىنىڭ قولداۋىمەن «دالا ارۋلارى – جەنششينى ستەپي» قوعامدىق قورى – قوعامدىق ۇيىمى كاسىبي سۋرەتشىلەردىڭ حالىقارالىق سيمپوزيۋمىن وتكىزبەك.

مادەني ءىس-شاراعا قاتىساتىن سۋرەتشىلەردىڭ كورمەسىنىڭ اشىلۋى 2019 جىلعى 19 اقپاندا ساعات 16.30-دا تاۋەلسىزدىك سارايىندا وتەدى. سيمپوزيۋمنىڭ شەبەرلىك سىنىپتارىمەن 20-23 اقپان ارالىعىندا قازاقستان رەسپۋبليكاسى ۇلتتىق مۋزەيىنىڭ №2 قازىرگى زامانۋي ونەر زالىندا تانىسۋعا بولادى.  

قازىرگى تاڭدا مادەنيەتتانىمدىق باعىتتاعى مەملەكەتتىك باعدارلامالاردىڭ مولشىلىعىنا قاراماستان، قازاقستاندا بەينەلەۋ جانە ساندىك-قولدانبالى مادەنيەت سالاسىنداعى ۇلتتىق مادەنيەتتى دامىتۋ جانە قورعاۋ بويىنشا ناقتى سىندارلى ساياسات جوق. سيمفونيالىق مۋزىكا، وپەرالىق ونەر سياقتى كلاسسيكالىق ونەر تۇرلەرى بەلسەندى دامىپ كەلەدى، ال ستانوكپەن جاسالعان كەسكىندەمە، گرافيكا، ءمۇسىن سياقتى حالىق ونەرىنىڭ تۇرلەرى كولەڭكەدە قالىپ قويدى. ءبىزدىڭ سپورتشىلارىمىز، انشىلەرىمىز، شاحماتشىلارىمىز بۇكىل الەمگە تانىمال; ەندى ءوزىمىزدىڭ كاسىبي سۋرەتشىلەرىمىزدى الەمدىك ساحناعا بەلسەندىرەك ىلگەرىلەتۋگە ۋاقىت كەلدى.

سيمپوزيۋمدى وتكىزۋ ءارتۇرلى وڭىرلەردەن كەلگەن سۋرەتشىلەردىڭ شىعارماشىلىق ۇمتىلىستارىنىڭ جانە ءتىل ارتىقشىلىقتارىنىڭ ورتاقتىعىن نەمەسە ايىرماشىلىعىن تەرەڭىرەك تۇسىنۋگە ىقپال ەتەدى، بۇل سونداي-اق ونەردىڭ زاماناۋي كۇيىن زەرتتەۋ ءۇشىن وتە ماڭىزدى.

ۇلى دالانىڭ بىرەگەي رۋحاني مۇراسى زاماناۋي مادەني جانە زياتكەرلىك الەۋەت ءۇشىن نەگىز بولىپ تابىلادى، بۇل ەلدىڭ تۋريستىك تارتىمدىلىعىنا تىكەلەي اسەر ەتەدى، تەرەڭ تاريحى، ءتول مادەنيەتى جانە رۋحاني داستۇرلەرى بار ەل رەتىندە قازاقستاننىڭ وڭ ءيميدجىن قالىپتاستىرادى. ءححى عاسىرداعى قازاقستاندىق سۋرەتشىلەردىڭ سۋرەتتەرى – زاماناۋي بەينەلەۋ ونەرىنىڭ ىزدەنىستەرىنىڭ ناقتى بەينەسى. ولاردىڭ اراسىندا د. قاسىموۆ، ت. تىلەۋجانوۆ، ا. باياندين، م. نۇرعوجين، گ. مىرزاشەۆ، س. سماعۇلوۆ، ا. ستاركوۆ، ك. اقاشەۆ، ە. وسپانوۆ سياقتى جانە كوپتەگەن وزگە ايگىلى ادامدار بار.

بۇگىنگى كۇنى سۋرەتشىلەر بەينەلەۋ ونەرىنىڭ سالاسىنداعى كاسىپقويلاردىڭ كۇشىن بىرىكتىرۋ قاجەت ەكەنىن تۇسىنەدى، بۇل قازاقستان مەن ونىڭ حالقىن الەمدىك وركەنيەتتىڭ ماڭىزدى ەلەمەنتى رەتىندە جايعاستىرۋعا مۇمكىندىك بەرەدى.

سيمپوزيۋمنىڭ جۇمىسىنا الماتى، شىمكەنت، سانكت-پەتەربۋرگ، تبيليسي، بىشكەك، پاۆلودار، سامارقاند قالالارىنان 25 جوعارى كاسىپقوي سۋرەتشى مەن استانا قالاسىنان 15 شەبەر قاتىسادى.

Abai.kz