قر  ىشكى ىستەر ءمينيسترى ق.قاسىموۆقا

قر  باس پروكۋرور ق.قوجامجاروۆقا 

ورالدا تەرگەۋشى باعالى  جەكە زاتىم مەن اقشامدى زاڭسىز، بۇزاقىداي الىپ، «مى براتۆا، باندا» دەگەن پوليتسيانىڭ ءسوزىن  دالەلدەپ بەردى. "مى براتۆا، باندا" دەگەن ءcوزدى پوليتسيا قىزمەتكەرى ايتقاندا بوس ءسوز شىعار دەپ ويلاپ ەدىم، الايدا ورال قالاسىنىڭ ىشكى ىستەر باسقارماسىنىڭ تەرگەۋشىسى  ارداق گابدۋللينا قر قىلمىستىق-پروتسەستىك  كودەكسىنىڭ تالاپتارىڭ ورەسكەل بۇزىپ، مەنىڭ جەكە قۇندى زاتتارىمدى، ياعني اق ءتۇستى 45 000  (قىرىق بەس مىڭ) تەڭگەگە العان «سامسۋنگ» ماركالى جəنە 75 000 (جەتپىس بەس مىڭ) تەڭگە تۇراتىن «گالاكس-5» ۇيالى تەلەفونىمدى جانە «گالاكس-5» تەلەفونىنىڭ  قارا چەحولى  ىشىندەگى 60 000 (الپىس مىڭ تەڭگە)  تەڭگەمدى (3 دانا 20 مىڭ كۋپيۋرلىق) زاڭسىز، رۇقساتسىز، مەنىڭ قاتىسۋىمسىز سومكەمنەن  الىپ قالعان. 

ناتيجەسىندە  پوليتسيا قىزمەتكەرى ارداق گابدۋللينانىڭ زاڭسىز ارەكەتىنەن  ماعان 180 000 ء(جۇز سەكسەن مىڭ) تەڭگە ماتەريالدىق شىعىن كەلدى.  پوليتسيا قىزمەتكەرى، تەرگەۋشى ارداق گابدۋللينانىڭ  زاڭسىز əرەكەتىن كوشەدە ادامداردى اشىق تونايتىن  بۇزاقىلار مەن  قاراقشىلاردىڭ əرەكەتىنە وتە ۇقسايدى. سوندا قازاقستان ىشكى ىستەر ورگاندارى  ازاماتتاردىڭ بوستاندىقتارى مەن قۇقىقتارىن  قورعاۋ ورنىنا، قاراعاندى  اكادەمياسىنىڭ پوليتسيا قىزمەتكەرى  ««مى براتۆا، باندا»  دەپ ەلگە وزدەرىن كىم ەكەندەرىن ماقتانا جاريالاپ ەدى، ورال ءىىب-نىڭ تەرگەۋشىسى  ا.گابدۋللينا  ادامنىڭ جەكە باعالى دۇنيەسىن، اقشاسىن  زاڭسىز تارتىپ الۋعا كوشتى...

2019 جىلدىڭ 9 اقپان كۇنى استانادان ورالعا پويىزدان تۇسكەن ساعات 14:00 شاماسىندا پوليتسيا قىزمەتكەرلەرى مەنى ءىىب-نا اپارىپ، قالالىق ىشكى ىستەر باسقارماسىنىڭ تەرگەۋشىسى  ارداق گابدۋللينا  مەنى تەرگەگەن بولاتىن.

1. زاڭسىز تارتىپ الىنعان ۇيالى تەلەفونىمدا əكەم، تۋعان اۋىلىم قاراتوبە اۋدانى، قوسكول اۋىلى تۋرالى مəلىمەتتەر جəنە وسىعان قاتىستى فوتوسۋرەتتەر بار. ەگەردە ولار جويىلسا، بۇل تىكەلەي تەرگەۋشى ا.گابدۋللينانىڭ əرەكەتى.

2. زاڭسىز تارتىپ الىنعان ۇيالى تەلەفونىمدا əلەۋمەتتىك جەلىلەر فەيسبۋك، ۆاتتساپ پارولدەرى بۇزىلسا، بۇل تەرگەۋشى ا.گابدۋللينانىڭ زاڭسىز əرەكەتى.

3. زاڭسىز جولمەن تارتىپ الىنعان تەلەفونىمنان ارتىق زاڭعا قايشى ۇلتتىق، əلەۋمەتتىك ارازدىق، وزگەدە ادەپسىز سوزدەر، سۋرەتتەر تاعى باسقا دا دۇنيەلەر تابىلسا جانە جازىلسا - بۇل تىكەلەي پوليتسيا قىزمەتكەرى ارداق گابدۋللينانىڭ زاڭسىز əرەكەتى.

4. مەنىڭ ءپارولىم بۇزىلىپ، مەنىڭ اتىمنان بىرەۋ زاڭسىز، əدەپسىز، ارسىز ت.ب. سوزدەر جازسا، بۇل تىكەلەي تەرگەۋشى ارداق گابدۋللينانىڭ əرەكەتى.

سەبەبى، ورال قالاسى ىشكى ىستەر باسقارماسىنىڭ  تەرگەۋشى ارداق گابدۋللينا ۇيالى تەلەفوندارىمدى مەنەن الۋعا قاۋلى شىعارمادى، العانى تۋرالى حاتتاما تولتىرمادى جانە قاشان قايتاراتىنى تۋرالى قولحات بەرمەدى.  ەكى كۇننەن بەرى مەنىڭ ەكى باعالى تەلەفونىم جانە 60  مىڭ تەڭگەم تەرگەۋشى ا.گابدۋللينانىڭ قولىندا زاڭسىز ءجۇر.

قازاقستان رەسپۋبليكاسىنىڭ ازاماتى رەتىندە ءوز كونستيتۋتسيالىق قۇقىعىمدى پايدالانا وتىرىپ، ورال  قالاسى ىشكى ىستەر باسقارماسىنىڭ  تەرگەۋشىسى ارداق گابدۋللينا مەنىڭ جەكە زاتتارىمدى، ياعني ەكى باعالى ۇيالى تەلەفونىمدى ىشىندەگى ءوزىمنىڭ جيناعان ماتەريالىمدى، فوتوسۋرەتتەردى جويماي جəنە چەحولداعى 60 مىڭ تەڭگەمدى تەزىرەك قايتارىپ بەرۋىن جəنە كوشەدەگى اشىق توناعان قاراقشىداي جاساعان زاڭسىز əرەكەتى ءۇشىن كەشىرىم سۇراۋىن ءھام قازاقستان زاڭدارى الدىندا جاۋاپكەرشىلىككە تارتۋىن تالاپ ەتەمىن!

تالعات قاتاۋوۆ، قوعام قايراتكەرى

Abai.kz