ەلىمىزدە 130 مىڭعا جۋىق جۇمىس بەرۋشى 705 مىڭ قىزمەتكەرىنىڭ جالاقىسىن كوتەرۋگە ءازىر. بۇل تۋرالى قر ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتى مالىمدەدى.

«مەملەكەت باسشىسىنىڭ جولداۋىندا ايتىلعانداي 2019 جىلدىڭ 1 قاڭتارىنان باستاپ ەڭ تومەنگى ەڭبەكاقى الاتىن جۇمىسشىلاردىڭ جالاقىسىن كوتەرۋدى جۇزەگە اسىرۋ اياسىندا، ەلىمىزدە جالپى جۇمىسشى سانى 1,5 ملن ادامدى قۇرايتىن 128,7 مىڭعا جۋىق جۇمىس بەرۋشى 705,4 مىڭ جۇمىسكەردىڭ جالاقىسىن كوتەرۋگە دايىن ەكەندىكتەرىن ءبىلدىردى دەپ»، - دەلىنگەن حابارلاداما.

1 235 كاسىپورىن ءىرى كاسىپكەرلىك سۋبەكتىلەرىنە جاتادى، 1711 - ورتاشا، 125 مىڭى شاعىن كاسىپكەرلىك.

جوعارىدا كورسەتىلگەن كاسىپورىنداردا ەڭ تومەنگى ەڭبەكاقى الاتىن جۇمىسكەرلەردىڭ ورتاشا جالاقىسى 18% وسەدى، ياعني 41,5 مىڭنان 55,2 مىڭ تەڭگەگە دەيىن جەتەدى.

ەسكە سالا كەتسەك، وسى جىلدىڭ 5 قازانىندا قازاقستان رەسۋپبليكاسىنىڭ پرەزيدەنتى نۇرسۇلتان نازارباەۆ قازاقستان حالقىنا «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» جولداۋىن جاريالاعان بولاتىن.  «ۇكىمەتكە 2019 جىلدىڭ 1 قاڭتارىنان باستاپ ەڭ تومەنگى جالاقىنى 1,5 ەسە، 28 مىڭنان 42 مىڭ تەڭگەگە دەيىن ءوسىرۋدى تاپسىرامىن. بۇل ءاربىر قازاقستاندىق ءۇشىن شىنايى كومەك بولادى. بۇل بارلىق سالالاردا، بارلىق مەنشىك فورماسىنداعى كاسىپورىنداردا جۇمىس ىستەيتىن 1 ملن 300 مىڭ ادامنىڭ ەڭبەكاقىسىن كوتەرۋگە سەپتىگىن تيگىزەدى»، - دەدى ەلباسى.

دەرەككوز: turkystan.kz

Abai.kz