بۇگىن پارلامەنت سەناتى بيۋروسىنىڭ وتىرىسىندا پالاتا توراعاسى قاسىم-جومارت توقاەۆ جاستار جىلىنا بايلانىستى بىرقاتار ۇسىنىستار ايتتى.

ونىڭ ايتۋىنشا، ەلىمىزدەگى بەلسەندى ءارى بىلىكتى جاستاردىڭ وكىلدەرىن مەملەكەت مۇددەسىن ىلگەرىلەتۋ ىسىنە تارتۋ ماقساتىندا سەناتورلاردىڭ بەلسەندى جۇمىس ىستەۋى قاجەت.

پارلامەنت جوعارعى پالاتاسىنىڭ باسشىسى سەناتتا وتەتىن ءىس-شارالارعا، ونىڭ ىشىندە جالپى وتىرىستار مەن كوميتەتتەردىڭ استانالىق جانە ايماقتىق جوعارى وقۋ ورىندارىنىڭ ستۋدەنتتەرىن، كاسىپورىنداردىڭ جاس جۇمىسشىلارى مەن كومپانيالار قىزمەتكەرلەرىنىڭ قاتىسۋىن ۇيىمداستىرۋدى ۇسىندى.

ق.توقاەۆ قوعامدىق ۇيىمداردىڭ، ونىڭ ىشىندە «جاس وتان» وكىلدەرىنىڭ قاتىسۋىمەن مەملەكەتتىڭ جاستار ساياساتى ماسەلەلەرى بويىنشا ارنايى شارالار وتكىزۋدى ءجون سانايدى.