«Qazaq Banki» اق-تى ماجبۇرلەپ تاراتۋ تۋرالى سوت شەشىمى زاڭدى كۇشىنە ەندى، دەپ حابارلايدى قر ۇلتتىق بانكىنىڭ ءباسپاسوز قىزمەتى.

«الماتى قالالىق سوتىنىڭ (اپەللياتسيالىق كوللەگياسىنىڭ) 2018 جىلدىڭ 29 قاراشادا تۇسكەن شاعىمدى قايتارۋمەن بايلانىستى 2018 جىلعى 12 جەلتوقساندا الماتى قالاسىنىڭ مامانداندىرىلعان اۋدانارالىق ەكونوميكالىق سوتىنىڭ 2018 جىلعى 24 قازانداعى «Qazaq Banki» اق-تى ماجبۇرلەپ تاراتۋ تۋرالى شەشىمى زاڭدى كۇشىنە ەندى» دەلىنگەن حابارلامادا.

مالىمەتكە ساي، جەكە جانە دارا كاسىپكەرلەردىڭ «Qazaq Banki» اق-تاعى سالىمداردا ورنالاستىرىلعان، اعىمداعى شوتتارداعى جانە تولەم كارتوچكالارىنداعى اقشانى وتەتىپ الۋ قۇقىعى بار. وتەماقى جيناقتالعان سىياقى ەسكەرىلە وتىرىپ، دەپوزيت بويىنشا قالدىق سوماسى شەگىندە، بىراق تومەندەگى ەڭ كوپ كەپىلدىك بەرىلگەن سومادان اسپايتىن مولشەردە «قازاقستاننىڭ دەپوزيتتەرگە كەپىلدىك بەرۋ قورى» اق-تىڭ (بۇدان ءارى - قدكق) قاراجاتىنان تولەنەتىن بولادى:

10 ميلليون تەڭگە - ۇلتتىق ۆاليۋتاداعى دەپوزيتتەر بويىنشا،
5 ميلليون تەڭگە - شەتەل ۆاليۋتاسىنداعى دەپوزيتتەر بويىنشا.

ءبىر سالىمشىنىڭ «Qazaq Banki» اق-تا تەڭگەمەن دە، شەتەل ۆاليۋتاسىمەن دە ورنالاستىرىلعان دەپوزيتتەرى بويىنشا جيىنتىعى 15 ميلليون تەڭگەگە دەيىنگى مولشەردە وتەماقى تولەنەدى، بۇل رەتتە شەتەل ۆاليۋتاسىنداعى دەپوزيت بويىنشا - بالاماسى 5 ميلليون تەڭگەدەن اسپايدى.

شەتەل ۆاليۋتاسىنداعى دەپوزيتتەر بويىنشا وتەماقى تەڭگەمەن تولەنەدى: اگەنت-بانكتە اقشانى ناقتى الۋ كۇنىنە قاراماستان وتەماقى سوماسىن ەسەپتەۋ ءۇشىن 2018 جىلعى 12 جەلتوقسانداعى ايىرباستاۋ باعامى قولدانىلاتىن بولادى. سالىمدار بويىنشا سىياقىنى ەسەپتەۋ جانە كاپيتالداندىرۋ 2018 جىلعى 12 جەلتوقساندا توقتاتىلدى.

«Qazaq Banki» اق-تىڭ سالىمشىلارىنا «بانك ۆتب (قازاقستان)» اق ەۇ اگەنت-بانك ارقىلى تولەۋ 2018 جىلعى 24 جەلتوقساندا باستالادى.

«بانك ۆتب (قازاقستان)» اق ەۇ اگەنت-بانكى وتەماقىنى التى اي ىشىندە تولەيتىن بولادى - 2018 جىلعى 24 جەلتوقساننان باستاپ 2019 جىلعى 24 ماۋسىمعا دەيىن. ول ءۇشىن جەكە تۇلعالار جانە دارا كاسىپكەرلەر - «Qazaq Banki» اق-تىڭ كليەنتتەرى اگەنت-بانكتىڭ قازاقستان اۋماعىنداعى كەز كەلگەن فيليالىنا نەمەسە بولىمشەسىنە جۇگىنۋگە قۇقىلى.

قدكق ارنايى رەزەرۆ قاراجاتى ەسەبىنەن «بانك ۆتب (قازاقستان)» اق ەۇ اگەنت-بانكىن «Qazaq Banki» اق-تىڭ سالىمشىلارىنا وتەماقى تولەۋ ءۇشىن تولىق كولەمدە اقشا قاراجاتىمەن قامتاماسىز ەتەدى.

24 جەلتوقساننان باستاپ سالىمشىلاردىڭ ءوتىنىش بەرۋى جانە وتەماقى الۋى ءۇشىن  الماتى، استانا، شىمكەنت، اقتاۋ، اقتوبە، اتىراۋ، قاراعاندى، كوكشەتاۋ، قوستاناي، قىزىلوردا، پاۆلودار، پەتروپاۆل، سەمەي، تالدىقورعان، تاراز، ورال جانە وسكەمەن قالالارىنداعى اگەنت-بانك فيليالىنىڭ جانە بولىمشەسىنىڭ كەز كەلگەن وپەراتسيالىق زالىنا ءوتىنىش بەرۋى قاجەت.

ءتيىستى قۇجاتتاردى بەرۋ ءتارتىبى مەن مەرزىمدەرىن «Qazaq Banki» اق-تىڭ تاراتۋ كوميسسياسىنان قوسىمشا ناقتىلاۋعا بولادى:

الماتى ق.: +7 (727) 380 39 51 تەلەفونى بويىنشا نەمەسە: نازارباەۆ داڭعىلى، 279-ءۇي مەكەنجايى بويىنشا.
استانا ق.: +7 (717) 291 92 60 تەلەفونى بويىنشا نەمەسە: قوناەۆ ك-ءسى، 14/3-ءۇي مەكەنجايى بويىنشا («نۇرسايا» بيزنەس ورتالىعى), 1-2-قاباتتار.

اگەنت-بانكتىڭ فيليالدارى مەن بولىمشەلەرىنىڭ مەكەنجايلارى «بانك ۆتب (قازاقستان)» اق ەۇ: www.vtb-bank.kz ينتەرنەت-رەسۋرسىندا ورنالاستىرىلعان. قوسىمشا اقپاراتتى اگەنت-بانكتىڭ انىقتاما قىزمەتىنەن: 5050 نومىرىنەن ء(موبيلدى تەلەفوننان قوڭىراۋ شالۋ تەگىن) الۋعا بولادى.

ايتا كەتەيىك، «Qazaq Banki» اق قازاقستان رەسپۋبليكاسىنىڭ ۇلتتىق بانكى باسقارماسىنىڭ 2018 جىلعى 27 تامىزداعى شەشىمىنىڭ نەگىزىندە بارلىق بانكتىك وپەراتسيانى جۇرگىزۋگە ليتسەنزياسىنان ايىرىلدى. 2018 جىلعى 24 قازاندا الماتى قالاسىنىڭ مامانداندىرىلعان اۋدانارالىق ەكونوميكالىق سوتى «Qazaq Banki» اق-تى ماجبۇرلەپ تاراتۋ تۋرالى شەشىم قابىلدادى. 2018 جىلعى 29 قاراشادا سوتتىڭ شەشىمى بويىنشا اپەللياتسيالىق شاعىم بەرىلدى. اپەللياتسيالىق شاعىم بويىنشا سوت ءىسىنىڭ توقتاتىلۋىنا بايلانىستى الماتى قالاسىنىڭ ماەس-ءتىڭ 2018 جىلعى 24 قازانداعى شەشىمى 2018 جىلعى 12 جەلتوقساندا زاڭدى كۇشىنە ەندى.

Abai.kz