استانادا قر مادەنيەت جانە سپورت مينيسترلىگىنىڭ ۇيىمداستىرۋىمەن ەلوردامىزدىڭ 20 جىلدىعىنا جانە تاۋەلسىزدىك مەرەكەسىنە ارنالعان «استانام، سەنسىڭ ايبارىم!» اتتى رەسپۋبليكالىق اقىندار ايتىسى وتەدى.

بۇل تۋرالى Abai.kz اقپاراتتىق پورتالى «ايتىس اقىندارى مەن جىرشى-تەرمەشىلەردىڭ حالىقارالىق وداعى» رەسپۋبليكالىق قوعامدىق بىرلەستىگىنە سىلتەمە جاساي وتىرىپ حابارلايدى.

بيىل 7-ءشى رەت وتەتىن «التىن دومبىرا» ايتىسىنا جىل بويى وتكەن دودالاردىڭ جەڭىمپازدارى ايبەك قاليەۆ، رينات زايتوۆ، رۇستەم قايىرتايۇلى، مۇحتار نيازوۆ، اسپانبەك شۇعاتاەۆ، ەركەبۇلان قاينازاروۆ، جانسايا مۋسينا، مەيىربەك سۇلتانحان، اسەم ەرەجەقىزى، ماقسات اقانوۆ، بولاتبەك ورازباەۆ، ديدار قاميەۆ، تولەگەن جامانوۆ، تىلەگەن ءادىلوۆ، نۇرمات مانسۇروۆ، شالقارباي ءىزباساروۆ، قازىرەت بەردىحان، سىرىم ادىلبەك، سەرىك قۋانعان سىندى ازۋلى اقىندار قاتىسادى.

جىر جارمەڭكەسىن «ايتىس اقىندارى مەن جىرشى-تەرمەشىلەردىڭ حالىقارالىق وداعىنىڭ» باسقارما توراعاسى ءجۇرسىن ەرمان جۇرگىزەدى.

ايتىس 16-17 جەلتوقسان كۇندەرى «قازاقستان» ورتالىق كونتسەرت زالىندا وتەدى. ەكى كۇندە دە ساعات 15:00-دە باستالادى.

بيلەتتەر: «قازاقستان ورتالىق كونتسەرت» زالىنىڭ كاسساسىندا جانە كاسسير.كز سايتىندا ساتىلادى. بايلانىس تەلەفوندارى: +7 7172 705 8566, +7 707 346 3466

Abai.kz