بيىلعى جىلدىڭ قازان ايىندا مەملەكەت باسشىسى «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى جولداۋىندا قازاقستان حالقىنىڭ ءال-اۋقاتىن بارىنشا كوتەرۋ جايى دا ايتىلعان ەدى

بايدىبەك اۋدانىنىڭ اكىمى باقىتبەك تاناگوزوۆ، اۋداندىق كاسىپكەرلىك ءبولىمىنىڭ باسشىسى مەيىرجان بەرىكوۆ استانا قالاسىندا وتكەن «جاڭارتىلاتىن ەنەرگيا كوزدەرىن دامىتۋ» قازاقستان-كورەي ىنتىماقتاستىعى اتتى فورۋمعا قاتىستى.

بايدىبەك اۋدانى اكىمىنىڭ ءباسپاسوز قىزمەتىنىڭ حابارلاۋىنشا، فورۋم اياسىندا بايدىبەك اۋدانىنىڭ اكىمى باقىتبەك تاناگوزوۆ مەن KK-Kiunsen اتتى كورەي ينۆەستيتسيالىق كومپانياسىنىڭ پرەزيدەنتى دجون ەنگ سۋن اراسىندا مەموراندۋمعا قول كويلادى. جوبا قۇنى – 15 ميلليون دوللار.

سونىمەن قاتار، KK-Kiunsen كومپانياسى مەن جشس «رفتس» اراسىندا جاڭارتىلاتىن كۇن ساۋلەسى ارقىلى وندىرىلەتىن ەلەكتر ەنەرگياسىن 15 جىل بويى ساتىپ الىنۋ تۋرالى كەلىسىم شارتقا قول قويىلادى.

جوبانى ىسكە اسىرۋ بارىسىندا 200 گەكتار جەر تەلىمى بايدىبەك اۋدانى اكىمشىلىگىنەن ءبولىندى. قارجىلاندىرۋ ماسەلەسى كورەي ەلى تاراپىنان اسىرىلادى.

KK-Kiunsen كومپانياسى قازاقستاندا كۇن ەلەكتر ستانتسياسى جوباسىن جۇزەگە اسىرعالى جاتىر، سونىمەن قاتار، شاعىن جەل ەلەكتر ستانتسيالارىنا ارنالعان قۇرىلعىلارىن وندىرەتىن زاۋىتىن سالۋدى جوسپارلاۋدا.

فورۋمدا بايدىبەك اۋدانىنىڭ اكىمى باقىتبەك تاناگوزوۆ ءسوز سويلەپ، — «قۇرىلاتىن ستانتسيا 10 مەگاۆاتتىق بولادى. بولاشاقتا ونىڭ كولەمىن ۇلعايۋ ماسەلەسى بار. تۇتىناتىن تۇركىستان وبلىسىنىڭ ايماقتارى بولىپ ەسەپتەلەدى»،- دەدى.

Abai.kz