مەملەكەت باسشىسى ن.ءا.نازارباەۆتىڭ 2018 جىلدىڭ 5 قازانداعى «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى قازاقستان حالىنا ارناعان جولاۋىنىڭ ءۇشىنشى تارماعىندا: «قۇقىق قورعاۋ ورگاندارىنىڭ جۇمىسىنا تەرەڭ جانە ساپالى وزگەرىستەر قاجەت. قاۋىپسىزدىك تۇرمىس ساپاسىنىڭ اجىراماس بولىگى بولىپ سانالادى» دەپ اتاپ وتكەن بولاتىن.

وسى ورايدا، تۇركىستان وبلىسى ارىس قالالىق اكىمدىگىنىڭ ۇلكەن ءماجىلىس زالىندا 2018 جىلدىڭ 10 ايىندا ارىس اۋدانىنىڭ پوليتسيا ءبولىمىنىڭ قىزمەتكەرلەرى مەن اتقارعان جەدەل جۇمىستارىنىڭ قورىتىندىسى بويىنشا حالىققا ەسەپ بەرۋ جيىنى ءوتتى.

قالا اكىمىنىڭ ورىنباسارى س.ءدارىباي توراعالىق ەتكەن جيىنعا تۇركىستان وبلىسىنىڭ پوليتسيا دەپارتامەنتى انىقتاۋ باسقارماسىنىڭ باستىعى پوليتسيا پولكوۆنيگى ب.زياتاەۆ، ارىس اۋدانى پروكۋرورىنىڭ ورىنباسرى ا.كابدۋراحمانوۆ، قالالىق ءماسليحات حاتشىسى ا.بايتاناەۆ، اۋىلدىق وكرۋگ اكىمدەرى، ارىس اۋداندىق پوليتسيا ءبولىمىنىڭ قىزمەتكەرلەرى، قالالىق ءماسليحات دەپۋتاتتارى، مەكەمەلەر مەن ءبولىم قىزمەتكەرلەرى، جاستار جانە قالا تۇرعىندارى قاتىستى. جيىندا ارىس اۋداندىق پوليتسيا ءبولىمىنىڭ باستىعى، پوليتسيا پولكوۆنيگى يسابەكوۆ نۇرلان امانگەلدىۇلىنىڭ بايانداماسى تىڭدالىپ، جيىنعا قاتىسۋشىلار تاراپىنان بايانداماشىعا سۇراقتار قويىلىپ، ۇسىنىستار بەرىلىپ، ولاردىڭ ورىندالۋى باقىلاۋعا قويىلدى.

Abai.kz