بيىلعى جىلدىڭ قازان ايىندا مەملەكەت باسشىسى «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى جولداۋىندا قازاقستان حالقىنىڭ ءال-اۋقاتىن بارىنشا كوتەرۋ جايى دا ايتىلعان ەدى

بيىل جەتىساي اۋدانىندا قۋاتتىلىعى 4,8 مۆت-نى قۇرايتىن كۇن ەلەكتر ستانساسىنىڭ قۇرىلىسى باستالماق. «كومپانيا كادي» جشس-گى قولعا العالى وتىرعان جوبانىڭ قۇنى — 2,5 ملرد.تەڭگەنى قۇرايدى.

بۇل ستانسا جەتىساي قالاسىنىڭ ىرگەسىندەگى بۇرىنعى كۇل-قوكىس پوليگونىنىڭ ورنىنان بوي كوتەرمەك. ونداعى جەر كولەمى 10,7 گەكتاردى قۇرايدى. اتالعان ينۆەست جوبانىڭ ىسكە اسۋىنا گەرمانيالىق «NW COMP SOLAR GMBX» قولداي بىلدىرگەلى وتىر.

سونداي-اق، الداعى جىلى جەتىساي اۋدانىندا رەسەيلىك «اۆەللار» كومپانياسىنىڭ وزىندىك قارجىسى ەسەبىنەن قۋاتتىلىعى 20 مۆت كۇن ەلەكترستانساسىن سالۋ جوسپارلانۋدا. جوباعا بۇگىندە اكىمدىك تاراپىنان قاجەتتى 40 گەكتار جەر ۋچاسكەسى ماشينالىق ادىسپەن سۋعارۋ كانالى جانىنان ۇسىنىلىپ وتىر.

بۇدان بولەك، الداعى جىلى اۋداندا 20 گەكتارعا ءزايتۇن اعاشىن وتىرعىزۋ ويلاستىرىلۋدا. بۇل ىسكە يسپاندىق جانە الماتىلىق كاسىپكەرلەر قىزىعۋشىلىق تانىتىپ وتىر. وسى ماقساتتا اۋدان اكىمى جامانتاي بەيسەنباەۆ كاسىپكەرلەرمەن ارنايى كەزدەسىپ، ناتيجەسىندە جوباعا قاجەتتى ءۇش جەر ۋچاسكەسىن ۇسىندى. ەندى يسپاندىق كاسىپكەرلەر ۇسىنىلعان جەرلەردىڭ توپىراقتارىن ساراپتاما جاساپ، قورىتىندىسى تالاپقا ساي كەلىپ جاتسا، جەر تەلىمدەرىن ەگىستىككە دايىنداۋعا كەلىسىمدەرىن بەردى.

سونداي-اق، اۋدان كاسىپكەرلەرىنىڭ قولداۋىمەن وڭىردە باقشا داقىلدارىن قايتا وڭدەپ، دايىن ءونىم شىعارۋعا باعىتتالعان جوبانى ىسكە اسىرۋ كوزدەلۋدە. بۇل ماقساتتا اكىمدىك تاراپىنان جوبانى ىسكە اسىرۋعا قاجەتتى جەر ۋچاسكەسى قاراستىرىلۋدا. 100 ملن.تەڭگەنى قۇرايتىن جوبا قۋاتتىلىعى تاۋلىگىنە 10 توننا ءونىم شىعارۋعا قاۋقارلى.

Abai.kz