«تسيفرلىق قازاقستان» باعدارلاماسىن مەملەكەت باسشىسى حالىققا ارناعان جولداۋىندا ەرەكشە اتاپ وتكەن بولاتىن. اقپاراتتىق تەحنولوگيالاردىڭ قارىشتاپ دامىپ بارا جاتقان مىنا زامانىندا IT سالاسىن دامىتپاساق، دامىعان 30 ەلدىڭ قاتارىنان كورىنۋ بىزگە جاي ارمان بوپ قالارى انىق. ويتكەنى، وركەنيەتتى ەلدەردىڭ بارلىعى وسى ساندىق جۇيەگە كوشىپ، ونەركاسىبىنىڭ دامۋىن جانە حالقىنىڭ ءال-اۋقاتىن جىلدان-جىلعا جاقسارتىپ كەلەدى.

1- قىركۇيەكتەن باستاپ تۇركىستانداعى كوپتەگەن ءبىلىم ۇيالارى 1-سىنىپقا وقۋشىلاردى ەلەكتروندى جۇيە ارقىلى قابىلدادى. ايماقتاعى مەكتەپ باسشىلارى اتالعان جۇيەنىڭ تيىمدىلىگىنە قازىردەن باستاپ وڭ باعا بەرۋدە. ويتكەنى وقۋشىنى ەلەكتروندى جۇيە ارقىلى قابىلداۋ -جاڭا وقۋ جىلىنىڭ باستالار الدىنداعى اۋرە-سارساڭدى ازايتادى. سونداي-اق سالاداعى جەمقورلىقتى دا جويادى ەكەن. تالىمگەردى قابىلداۋ ينتەرنەت جۇيەسى ارقىلى جۇزەگە اساتىندىقتان ۇلىن جەتەكتەگەن اتا-انالار مەكتەپ ىزدەپ بوسقا ساندالمايتىن كورىنەدى.

ارىس قالاسىنداعى ساكەن سەيفۋلين اتىنداعى جالپى ورتا مەكتەبى بيىل جۇرت قاتارلى قىركۇيەكتە 1-سىنىپقا باراتىن 141 بالانى ەلەكتروندى جۇيە ارقىلى قابىلدادى. ۇستازدار قازىردىڭ وزىندە جاڭا جۇيەنىڭ ارتىقشىلىقتارى كوپ دەيدى. ماسەلەن بۇرىن اتا-انالار بالالارىن مەكتەپكە ءوزى ەرتىپ كەلسە، ەندى ۇيدەن شىقپاي اق بالانىڭ قۇجاتتارىن پورتالعا ەنگىزۋگە بولادى. قاي مەكتەپتى تاڭدايمىن دەسە دە ەرىك اتا-انانىڭ وزىڭدە. بۇل پروتسەسس ۋاقىتتى دا ۇنەمدەيدى.

تالعات اسقاروۆ

س.سەيفۋلين اتىنداعى جوم ديرەكتورى

ءتيىمدى جاعى بۇرىن بالالار وقۋ باستالىپ كەتكەندە دە قابىلدانىپ جاتاتىن. ال قازىر اتا-انالار شىلدە ايىنان باستاپ مەكتەپكە تىركەپ، بالاسىنىڭ قاي مەكتەپتە وقيتىنىن الدىن الا ءبىلىپ وتىرادى. بۇرىن اتا-انالار بالاسىن مەكتەپكە قابىلدانعاننان كەيىن الىپ كەتىپ قالا بەرەتىن. قازىر بۇل جاڭا جۇيەنىڭ ارقاسىندا ءبىر ىزگە ءتۇستى.

جالپى وقۋشىنىنىڭ ءبىرىنشى سىنىپقا ەلەكتروندى جۇيە ارقىلى قابىلدانۋى جەمقورلىق ارەكەتتەرىن جويۋعا دا ءوز سەپتىگىن تيگىزەدى ەكەن. ءوز كەزەگىندە ءبىلىم ۇيالارىندا وقۋشىنىڭ سانىنىڭ شامادان تىس اسىپ كەتۋىنە دە جول بەرمەيتىن كورىنەدى. سونداي-اق ەلىمىزدەگى كوپتەگەن ءبىلىم ۇيالارىندا بيىلدان باستاپ 3-6-8 سىنىپتا وقيتىندارعا ساباق جاڭارتىلعان مازمۇندا وتىلە باستادى. ساكەن سەكيفۋلين اتىنداعى جالپى ورتا مەكتەبى دە اتالعان جاڭاشىلدىقتان شەت قالعان جوق. مەكتەپتە 100 تارتا ماماننىڭ جارتىسىنا جۋىعى بۇگىندە بالالاردى جاڭا فورماتتا وقىتۋدى قولعا الدى.

وسىلايشا مەكتەپ مۇعالىمدەرى ءبىلىم مەن سپورتتى قاتار دامىتۋعا بار كۇش جىگەرىمىزدى سالىپ جاتىرمىز دەيدى. بالالارعا ۇيرەتۋدەن جالىقپاعان جاندار ءوز ەڭبەگىنىڭ جەمىسى دەپ شاكىرتتەردىڭ ءبىلىم شىڭىنا شىعىپ، سپورتتىق سايىستاردا توپ جارعانىن ايتادى.

ەرلان وتارباەۆ

Abai.kz