بيىلعى جىلدىڭ قازان ايىندا مەملەكەت باسشىسى «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى جولداۋىندا قازاقستان حالقىنىڭ ءال-اۋقاتىن بارىنشا كوتەرۋ جايى باسا ايتىلعان ەدى. وسى باعىتتا تۇركىستان وبلىسىندا ەلدىڭ الەۋمەتتىك-ەكونوميكالىق جاعدايى باستى نازارعا الىنىپ وتىر.

سايرام اۋدانىنىڭ الەۋمەتتىك-ەكونوميكالىق دامۋى تۇراقتى. اعىمداعى جىلدىڭ 10 اي كولەمىندە مەجەلەنگەن ماقساتتى كورسەتكىشتەرگە قول جەتكىزىلگەن. ايماقتا 2016-2020 جىلدارعا ارنالعان دامۋ باعدارلاماسى قولعا الىنىپ، 6 باعىت بويىنشا ءتيىستى جۇمىستار اتقارىلۋدا. سونىمەن قاتار، سايرامنىڭ 2025 جىلعا دەيىنگى دامۋ كونتسەپتسياسى ازىرلەنگەن. بۇل تۋرالى بۇگىن اۋدان اكىمى باقتيار ماماەۆ تۇركىستان قالاسىندا وتكىزگەن ءباسپاسوز-بريفينگىسىندە مالىمدەدى.

سايرامنىڭ ونەركاسىپ سالاسىندا اعىمداعى جىلدىڭ 10 ايىندا 33 ملرد.تەڭگەنىڭ ءونىمى وندىرىلگەن. دامۋ كونتسەپتسياسىنا سايكەس جىل سوڭىنا دەيىن كورسەتكىشتى 39 ملرد.تەڭگەگە جەتكىزۋ جوسپارلانىپ وتىر.وبلىس دەڭگەيىندەگى ءوندىرىس كاسىبى بويىنشا سايرامنىڭ ۇلەسى 10% قۇراپ، 2 ورىندا تۇر. «وڭىرلەر كاسىپكەرلىگىن قولداۋ كارتاسىنا» جالپى قۇنى 8 ملرد.تەڭگەنى قۇرايتى 13  جوبا ەنگەن. يندۋستريالاندىرۋ كارتاسى اياسىندا قولعا الىنعان باستامادا قازىر 8 جوبا ىسكە قوسىلعان. بۇل كاسىپورىنداردا 391  جۇمىس ورىندارى اشىلعان.

باقتيار ماماەۆ – سايرام اۋدانىنىڭ اكىمى