"7-20-25": تۇركىستاندا 18,6 مىڭ شارشى مەتر ءۇي پايدالانۋعا بەرىلەدى
بيىل ناۋرىز ايىندا قازاقستان پرەزيدەنتى نۇرسۇلتان نازارباەۆتىڭ «پرەزيدەنتتىڭ بەس الەۋمەتتىك باستاماسى» اتتى حالىققا ۇندەۋىن جولداعان بولاتىن. سول كەزدە ازاماتتاردىڭ باسپانالى بولۋىنا مۇمكىندىك بەرەتىن "7-20-25" باعدارلاماسى قابىلداندى.
"7-20-25" باعدارلاماسى اياسىندا تۇركىستان وبلىسىندا 360 پاتەرلى 6 كوپ قاباتتى تۇرعىن ءۇيدىڭ قۇرىلىسى جۇرگىزىلۋدە. بۇل تۋرالى وڭىرلىك كوممۋنيكاتسيالار قىزمەتىندە وتكەن بريفينگتە قۇرىلىس باسقارماسىنىڭ باسشىسى قۇتتىبەك جاماشەۆ ايتتى، دەپ حابارلايدى وبلىس اكىمىنىڭ ءباسپاسوز قىزمەتى.
ونىڭ جالپى اۋماعى — 18,6 مىڭ شارشى مەتر. بۇل ۇيلەر 2019 جىلى پايدالانۋعا بەرىلەدى.
سونىمەن قاتار، 2018 جىلى 172 ينۆەستيتسيالىق جوبانىڭ ىسكە اسىرىلۋىنا 30,6 ملرد.تەڭگە قارالعان.
"الەۋمەتتىك سالا بويىنشا ءبىلىم بەرۋ سالاسىنا 83 نىساننىڭ قۇرىلىسىنا 15,9 ملرد. تەڭگە قارالعان. ونىڭ ىشىندە رەسپۋبليكالىق بيۋدجەتتەن قۇرىلىسى جوسپارلانعان 16 مەكتەپتىڭ بيىل 12-ءىن تاپسىرۋ كوزدەلگەن. قالعان 4 نىساننىڭ قۇرىلىسى 2019 جىلى اياقتالادى. ال وبلىستىق بيۋدجەتتەن قارالعان 11,5 ملرد. تەڭگەگە 67 نىساننىڭ قۇرىلىسىن جۇرگىزىپ، ونىڭ ىشىندە بيىل 28 نىساندى پايدالانۋعا بەرۋ مەجەلەنىپ وتىر. قالعان 39 مەكتەپ كەلەسى جىلى تاپسىرىلادى", — دەدى جاماشەۆ.
بۇدان وزگە، دەنساۋلىق ساقتاۋ، مادەنيەت، سپورت سالالارىندا دا بىرقاتار نىساننىڭ قۇرىلىسى ءجۇرىپ جاتىر
Abai.kz
