ەلباسى ن.نازارباەۆ “قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ” اتتى قازاقستان حالقىنا ارناعان جولداۋىندا شاعىن جانە ورتا بيزنەستى دامىتۋدىڭ ماڭىزدى ەكەندىگىن ايتىپ وتكەن بولاتىن.

وسىعان وراي، تۇركىستان وبلىستىق كاسىپكەرلەر پالاتاسى قۇقىق قورعاۋ ورگاندارىمەن جانە سوتپەن ىنتىماقتاستىقتى كۇشەيتىپ، بيزنەستى قورعاۋ ماقساتىندا تۇركىستان وبلىستىق سوتىمەن، وبلىستىق پروكۋراتۋرامەن، قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس قيمىل اگەنتتىگىنىڭ تۇركىستان وبلىسى بويىنشا دەپارتامەنتىمەن بىرلەسكەن مەموراندۋمعا قول قويدى.

تۇركىستان وبلىستىق كاسىپكەرلەر پالاتاسىنىڭ ديرەكتورى و.قارجاۋوۆتىڭ ايتۋىنشا، كاسىپكەر قۇقىعىن قورعاۋدىڭ كەپىلى بولاتىن بۇل قۇجاتتىڭ ماڭىزى زور.

ايتا كەتەيىك، ەلباسىنىڭ كاسىپكەرلىكتى قولداۋ جونىندەگى تاپسىرماسىن ورىنداۋ ماقساتىندا قولعا الىنعان جوبا اياسىندا مەملەكەتتىك قىزمەت كورسەتۋ مەن باقىلاۋدا سىبايلاس جەمقورلىق تاۋەكەلدەرىنە تالداۋ جۇرگىزۋ جوسپارلانعان.

– قاداعالاۋ تالاپتارى قاتاڭداتىلىپ، باقىلاۋ كۇشەيتىلگەندە وڭىردە كاسىپكەرلىكتىڭ دامۋ كورسەتكىشى دە جوعارىلايتىن بولادى. بۇل مەموراندۋمدار بيزنەستى زاڭسىز اكىمشىلىك قىسىمداردان جانە قىلمىستىق قۋدالاۋدان قورعايدى. الداعى ۋاقىتتا مەملەكەتتىك ورگاندار تاراپىنان بيزنەس-تەكسەرۋلەردىڭ زاڭدىلىعىن تالداۋ جۇمىستارى جۇرگىزىلەدى، – دەدى وبلىس پروكۋرورى ن.ءابدىروۆ.

قول قويىلعان ءۇش مەموراندۋم شەڭبەرىندە تاراپتار كاسىپكەرلىك سۋبەكتىلەرىنىڭ قۇقىقتارى مەن زاڭدى مۇددەلەرىن قورعاپ، كاسىپكەرلىكتى دامىتۋعا كەدەرگى كەلتىرەتىن جۇيەلى پروبلەمالار مەن توسقاۋىلداردى انىقتايدى. سونداي-اق، باقىلاۋ-قاداعالاۋ ورگاندارىنىڭ جەكە كاسىپكەرلىك سۋبەكتىلەرىنىڭ قىزمەتىنە زاڭسىز تەكسەرۋلەر جۇرگىزۋگە جول بەرمەي، كاسىپكەرلىكتى دامىتۋعا بارىنشا قولايلى جاعداي تۋعىزادى.

داميرا مولدانازاروۆا

Abai.kz