ەلباسىمىزدىڭ تاپسىرمالارىنا سايكەس قازىرگى تاڭدا بۇقارالىق سپورتتىڭ، ونىڭ ىشىندە ۇلتتىق سپورت تۇرلەرىنىڭ دامۋىنا باسا نازار اۋدارىلۋدا. ءبىز كوكپار فەدەراتسياسىنىڭ باسشىلىعىنا اتاقتى بوكسشى، كەزىندە كوكپارمەن اينالىسقان سپورتشىمىز مۇحتارحان دىلدابەكوۆتى شاقىردىق. كوكپاردان بوكسكە كەلگەن ول قىسقا مەرزىمدە سيدنەي وليمپياداسىنىڭ كۇمىس جۇلدەگەرى بولدى. مۇحتارحاننىڭ وسى فەدەراتسيانى باسقارۋعا كەلگەنىنە وتە ريزامىز.

جاقىندا ونىمەن كەزدەسىپ، ۇلتتىق ويىنىمىزدىڭ دامۋ جولىن تالقىلادىق. مۇحتارحان قازىر فەدەراتسيا جۇمىسىن، وڭىرلەردەگى كوكپاردىڭ جاعدايىن ءجىتى زەرتتەۋ ۇستىندە ەكەنىن ايتتى. قازىرگى تاڭدا جىل بويى كوكپار وينايتىن بىرنەشە عانا ءوڭىر بار. بۇل - شىمكەنت قالاسى مەن جامبىل، تۇركىستان وبلىستارى. مۇحتارحان كوكپاردى فۋتبول كلۋبتارى سياقتى جۇيەمەن ايماقتاردا كوكپار كلۋبتارىن قۇرۋ ارقىلى جوعارى دەڭگەيگە جەتكىزىپ، ۇلتتىق سپورت تۇرلەرىنىڭ جانكۇيەرلەرى مەن دەمەۋشىلەردى تارتۋ جوسپارىمەن ءبولىستى. كوكپار كوماندالارى استانا، الماتى جانە 14 وبلىستا قۇرىلعان.

مۇحتارحان دىلدابەكوۆ كوكپار ويىنىنداعى بىرىڭعاي ەرەجەگە دە توقتالدى. بارلىق وزگەرىستەر مەن جاڭالىقتار مۇددەلى تاراپتارمەن وزبەكستاندا وتەتىن ازيا چەمپيوناتىندا تالقىلاناتىنىن جەتكىزدى.

يۋنەسكو شەشىمىمەن ۇلتتىق سپورت تۇرلەرى بويىنشا وليمپيادا استانادا وتەتىنى بەلگىلى. ۇلتتىق سپورت تۇرلەرىن دامىتۋ ماقساتىندا ءبىز استانادا رەسپۋبليكالىق ۇلتتىق سپورت تۇرلەرىن دامىتۋ ورتالىعىن اشتىق. «قازانات» سپورت كەشەنىندە قىزۋ جۇمىس جۇرۋدە - ەكسپو’2017 اياسىندا ءبىز كوكپاردان الەم چەمپيوناتىن وتكىزگەن بولاتىنبىز. ەندى ۇلتتىق سپورت تۇرلەرىنەن وليمپياداعا دايىندىق ۇستىندەمىز.

اتاپ وتسەك، 2017 جىلى ۇلتتىق سپورت تۇرلەرىمەن 343 303 ادام اينالىستى. بۇل - دەنە شىنىقتىرۋ جانە سپورتپەن اينالىساتىنداردىڭ 6,1 % قۇرايدى. كوكپار وينايتىن ادام سانى - 29 024, كوكپار سەكتسيالارى سانى - 562.

ارىستانبەك مۇحامەديۇلىنىڭ

Facebook-تەگى جازباسى

Abai.kz