تۇركىستان وبلىسى 2025 جىلعا قاراي 58 156 توننا ەتتى قايتا وڭدەپ ەكسپورتتايتىن بولادى. 2017 جىلى بۇل كورسەتكىش 29 323 توننانى قۇراعان. سونداي-اق، بۇگىنگە دەيىن وڭىرىمىزدە 43 375,2 ءسۇت قايتا وڭدەلىپ كەلسە، كەلەشەكتە 92 875 تونناعا ارتادى. ال، 7 195 توننا كوكونىستەن دايىن ءونىم الىنسا، الداعى ۋاقىتتا 49 195 توننا تاۋار قايتا وڭدەلمەك. بۇل تۋرالى وبلىستىق اۋىل شارۋشىلىعى باسقارماسىنىڭ باسشىسى نۇربەك بادىراقوۆ وبلىس اكىمى جانسەيىت تۇيمەباەۆتىڭ توراعالىعىمەن وتكەن جيىندا مالىمدەدى.

ونىڭ سوزىنشە، جوعارىدا اتالعان جەتىستىكتەرگە جاڭادان ازىرلەنگەن «تۇركىستان وبلىسىندا اگروونەركاسىپتىك كەشەنىن دامىتۋدىڭ وڭىرلىك باعدارلاماسى» اياسىندا قول جەتكىزىلەتىن بولادى.

«اۋىل شارۋاشىلىعى ونىمدەرىن قايتا وڭدەۋ سالاسىندا وبلىسىمىزدا جالپى 107 كاسىپورىن جۇمىس ىستەپ كەلەدى. ونىڭ 38-ءى ەت، 35-ءى ءسۇت، 34 كاسىپورىن جەمىس-كوكونىس ونىمدەرىن قايتا وڭدەۋمەن اينالىسادى. باعدارلاما اياسىندا 2025 جىلعا قاراي وبلىس اۋماعىندا اۋىل شارۋاشىلىعى ونىمدەرىن قايتا وڭدەۋ كاسىپورىندارىنىڭ سانى 45 بىرلىككە جەتكىزۋ جوسپاردا بار. جوسپار جۇزەگە اسسا، ەكسپورت كولەمى 2,5 ارتادى»، – دەدى نۇربەك بادىراقوۆ.

وتكەن جىلى قايتا وڭدەلگەن اۋىل شارۋاشىلىعى ونىمدەرى ەكسپورتىنىڭ كولەمى 231,5 ملن. اقش دوللارىن قۇراعان. بۇل كورسەتكىشتى 2022 جىلعا قاراي 578,8 ملن. اقش دوللارعا جەتكىزۋ جوسپارلانۋدا. جالپى 2017 جىلى اۋىل شارۋاشىلىعى ونىمدەرىنىڭ ەكسپورتى 1 671 376 تونناعا جەتكەن. ونىڭ 41,5 پايىزى رەسەي، بەلورۋسسيا، قىرعىزستان ەلدەرىنە، 38,5 پايىزى وزبەكستانعا 9,2 پايىزى اۋعانستان رەسپۋبليكاسىنا جونەلتىلگەن. 2022 جىلعا قاراي ەكسپورت كولەمىن 4 178 440 تونناعا جەتكىزۋ كوزدەلۋدە.

باعدارلاما اياسىندا وڭىردەگى اگوروونەركاسىپ كەشەنىن دامىتۋ ماقساتىندا ازىق-تۇلىك قاۋىپسىزدىگىن قامتاماسىز ەتۋ جانە ەكسپورتتى ءارتاراپتاندىرۋ ءۇشىن تۇركىستان قالاسىنىڭ اۋماعىندا اگرو ايماقتار قۇرىلماق.

بۇدان بولەك، 2019 جىلى ديزەل وتىنىن ەلەكتروندى تاراتۋ، 2020 جىلى كوكونىس-جەمىس، باقشا، ماقتا جانە مال شارۋاشىلىعى ونىمدەرىن ساتۋدا ەلەكتروندى ساۋدا ساتتىقتى جۇزەگە اسىرۋ جوسپارلانۋدا.

Abai.kz