الماتىدا جايلى قالا كەڭىستىگىن قالىپتاستىرۋ بارىسىندا جاڭارعان داڭعىلدارعا بىردەن بىرنەشە جاڭا فونتاندار سالىندى. ءتىپتى، قالانىڭ تاريحي ورتالىعىن رەكونسترۋكتسيالاۋ كەزىندە «ۇمىت قالعان» الماتىلىق سۋبۇرقاقتار جوندەلىپ، ىسكە قوسىلدى.

مىسالى، قتج عيماراتىنىڭ الدىنداعى بۇرىنعى كولىك تۇراعىنىڭ ورنىنا جاڭا فونتان پايدا بولدى. نازارباەۆ داڭعىلى بويىندا بىرنەشە جاڭا ءارى قۇرعاق سۋبۇرقاقتار ىسكە قوسىلدى.

اباي داڭعىلى بويىنداعى جاڭا فونتاندار دا كوپشىلىكتىڭ كوڭىلىنەن شىعادى، ونىڭ ىشىندە سپورت جانە تۋريزم اكادەمياسى مەن تۇركسىب اۋرۋحاناسىنىڭ بۇرىنعى ءۇيى الدىنداعى فونتاندار كوز تارتاتىن بولادى.

ۇلتتىق كىتاپحانا مەن بايسەيىتوۆا كوشەسى اراسىنداعى فونتان قۇرىلىسى اياقتالدى. لەرمونتوۆ اتىنداعى اكادەميالىق ورىس دراما تەاترى الدىنداعى فونتان جوندەلدى.

رەسپۋبليكا سارايى الدىنداعى اباي الاڭىندا بىردەن بىرنەشە جاڭا فونتاندار جۇمىس ىستەي باستادى.

ابىلاي حان داڭعىلى شەۆچەنكو مەن قاراساي باتىر كوشەلەرىنىڭ قيىلىسىنداعى ەسكى فونتاندار رەكونسترۋكتسيالاندى. قۇرمانعازى اتىنداعى كونسەرۆاتوريا الدىنا جاڭا فونتان سالىندى. بۇلاردان وزگە، الماتى-2 تەمىرجول ۆوكزالىنىڭ ماڭايىندا قۇرعاق فونتاندار پايدا بولدى.

رەكونسترۋكتسيادان وتكەن ورتالىق ساياباقتىڭ شىعىس جاعىندا جازعى ساحنا ماڭىنا الما اعاشى بەينەسىندەگى ءتۇرلى بوياۋمەن ايشىقتالعان جاڭا فونتان انادايدان كوز تارتادى. مۇندا 10 جىل بويى بوس تۇرعان سۋبۇرقاق جوندەلىپ، ىسكە قوسىلدى.

جاڭا فونتاندار سالۋ مەن ەسكىلەرىن جوندەۋ كەزىندە قايتارما سۋمەن قامتاماسىز ەتەتىن ءارى ءتۇرى ءپىشىندى، سۋ قارقىنىن، گالوگەندى شامدار بەرەتىن ءتۇرلى ءتۇستى جارىق كوزدەرىن باسقاراتىن وزىق تەحنولوگيالار قولدانىلدى.

قىسقى ماۋسىمدا ينجەنەرلىك كوممۋنيكاتسيالار قاتىپ قالماۋى ءۇشىن بارلىق فونتاندار دۇرىس بەكىتىلدى.

ايتا كەتەرلىگى، الماتىدا قازىردىڭ وزىندە تاريحي ورتالىقتىڭ 60 پايىزدان استامى جاڭاردى، 524 كوشە، 1400 ەسكى اۋلا جاڭاردى. 300 كم ارىق سالىندى جانە جوندەلدى، 800 كم ينجەنەرلىك جەلى تارتىلدى.

جىل اياعىنا دەيىن بارلىق كوشە جارىقتارىنىڭ ۇشتەن ءبىرى جارىق ديودتى جانە ەنەرگيا جيناقتاۋشى شامدارعا اۋىستىرىلادى، ال جاڭا قوعامدىق كولىكتىڭ ۇلەسى 87%-عا دەيىن جەتەدى.

Abai.kz