مەملەكەتتىك دەپارتامەنتتىڭ رەسمي وكىلى حيزەر نويەتتىڭ مالىمدەۋىنشە، رەسەيگە قارسى جاڭا سانكتسيالار اقش-تىڭ حيميالىق قارۋدى باقىلاۋ تۋرالى زاڭىنا ساي كەلەدى.

رەسەيگە قارسى شەكتەۋلەردىڭ العاشقى پاكەتى بيىل تامىز ايىنىڭ سوڭىندا ەنگەن. بۇل - بريتانيادا گرۋ-ءدىڭ بۇرىنعى پولكوۆنيگى سەرگەي سكريپال مەن ونىڭ قىزى يۋليانىڭ ۋلانۋىنا بايلانىستى رەاكتسياسى بولاتىن.

وسىعان وراي اقش كونگرەسى رەسەيدەن تۇسىنىكتەمە سۇراپ، بۇدان ءارى قايتالانبايتىنىنا كەپىلدىك بەرۋگە ءۇش اي ۋاقىت بەرگەن.

اقش مەملەكەتتىك دەپارتامەنتىنىڭ وكىلى دەۆيد تەسلەردىڭ بي-بي-سيگە بەرگەن سۇقباتىندا ازىرگە ەشبىر قوسىمشا شەكتەۋلەر ەنگىزىلمەگەنىن، بىراق كەلىسى قادامدارعا دايىندىق باستالعانىن ناقتىلاي تۇسكەن. ونىڭ قانداي قادامدار ەكەنىن مەملەكەتتىك دەپارتامەنت كەيىنىرەك حابارلايتىنىن ايتقان.

الايدا، سانكتسيانىڭ ەكىنشى پاكەتىندە شەكتەۋلەر قاتايا تۇسەتىنى قازىردىڭ وزىندە ءىشىنارا بەلگىلى بولدى.سونىڭ ءبىرى - اقش بانكتەرىنە رەسەي ۇكىمەتىنە ازىق-تۇلىك ساتىپ الۋدان باسقا جاعدايدا كرەديت بەرۋگە تىيىم سالۋ. سونىمەن قاتار، اقش پەن رەسەي ۇكىمەتى اراسىندا ديپلوماتيالىق قاتىناستى توقتاتۋ، رەسەي ۇكىمەتىنىڭ باقىلاۋىنداعى «اەروفلوت» سەكىلدى كومپانيالار جۇزەگە اسىراتىن اۋە تاسىمالىنا تىيىم سالۋ ماسەلەسى دە قاراستىرىلعان.

Abai.kz