الەۋمەتتىك قورعاۋ جونىندەگى ۆەدومستۆوارالىق كوميسسيا مەملەكەت باسشىسىنىڭ جولداۋىن ءتۇسىندىرۋ بويىنشا جيىن وتكىزدى. باسقوسۋدا الەۋمەتتىك ماسەلەلەر —جۇمىسسىزداردى جۇمىسقا ورنالاستىرۋ، كاسىپورىندار قىزمەتكەرلەرىنىڭ جالاقىسىن كوتەرۋ، ۇجىمدىق كەلىسىم-شارت جاساۋ تۋرالى ايتىلدى، دەپ حابارلايدى "الماتى اقشامى" گازەتى.

الەۋمەتتىك جاعىنان از قامتىل­عان 1,3 مىڭ مامانعا جاڭادان تۇراق­تى جۇمىس ورنى قۇرىلاتىنى اي­تىلدى. بۇل –  مۇمكىندىكتەرى شەكتەۋلى ادامدار، زەينەتكە دەيىنگى جاستاعى تۇلعالار جانە جاستارعا ارنالعان جۇمىس. بۇلاردىڭ بارلىعى جاستار تاجىريبە­سىنەن وتكەن، قالالىق جۇ­مىس­پەن قامتۋ ورتالىعىنا جۇگىن­گەننەن كەيىن قوعامدىق جانە الەۋ­مەتتىك جۇمىسقا تارتىلدى. ولاردى ودان ءارى جۇمىسقا ورنالاستىرۋ ءۇشىن بىرقاتار ۇيىمدار تۇراقتى جۇمىس ورىندارىن قۇرادى.

جالپى، جىل سايىن قىسقا مەر­زىمدى كۋرستاردان 1 مىڭنان 1,5 مىڭ ادامعا دەيىن قابىلدانادى. وقىتۋ 50 ماماندىق بويىنشا جۇرگىزىلەدى. اتاپ ايتقاندا، «شاشتاراز ءىسى»، «تىگىن ءىسى» جانە ت.ب. ماماندىق ەرەكشەلىك­تەرىنە نەگىزدەلگەن، كۋرستىڭ ۇزاقتىعى 1 ايدان 6 ايعا دەيىن سوزىلادى.

Abai.kz